Ўзбекистон респупликаси

*Boqijon To‘xliyev akademik litseylarning 1-3 kurslar uchun darslik-majmua yaratishga boshchilik qildi hamda "Adabiyot o‘qitish metodikasi" qo‘llanmasini yozdi.

Adabiyotlar:

1. Dolimov S, Ubaydullaev H., Ahmedov Q. Adabiyot O‘qitish metodikasi. T.: "O‘qituvchi", 1967.
2. Yo‘ldoshev Q. Adabiyot o‘qitishning ilmiy-nazariy asoslari. T. 1996.
3. To‘xliyev B. Adabiyot o‘qitish metodikasi. T.: "Yangi asr avlodi", 2006.
4. Qodirov V. Mumtoz adabiyot: O‘qitish muammolari va yechimlar. T.: Alisher Navoiy nomidagi O‘zbekiston Milliy kutubxonasi nashr., 2009.


3-mavzu. ADABIY TA’LIM ASOSLARI, TA’LIM BOSQIChLARIDA ADABIYOT KURSINING MAZMUNI VA QURILIShI
REJA:
1. Adabiy ta’lim asoslari. Maqsad, vazifalarning qo‘yilishi.
2. Konsepsiya va DTS.
3. O‘quv rejalari. Dasturning tarkibi va mazmuni.
4. Darslikka qo‘yiladigan talablar.
5. Qo‘llanmalar haqida ma’lumot.


1. Adabiy ta’lim asoslari. Maqsad, vazifalarning qo‘yilishi.
Adabiy ta’lim asosini a.o‘. ning maqsad, vazifalari hamda uning mazmuni tushunchalari tashkil etadi. Har qanday pedagogik faoliyatga kirishishdan oldin kimni? nima uchun? nimani? degan savollarga javob berish zarur. Kimni? savoli pedagogik faoliyatning maqsadini, nima uchun? savoli vazifasini va nimani? savoli o‘qitishning mazmunini belgilab beradi.
Komil shaxsni shakllantirish a.o‘. bosh maqsadi. Bu umumiy tushuncha bo‘lib, istiqbolni belgilaydi (ya’ni kimni o‘qitiladi).
Oddiy o‘quvchidan kitobxon o‘quvchini tayyorlash, bolalarni badiiy so‘zdan ta’sirlanadigan, uning jozibasini his etadigan, haqiqiy badiiy asarni taniydigan, o‘qigan asarini tahlil eta biladigan va undan o‘ziga xulosa chiqarishga qobil, o‘z qarashlarini og‘zaki va yozma ravon ifoda eta oladigan, badiiy asar o‘qishni o‘zining birinchi hayotiy ehtiyojga aylantirgan o‘quvchi shaxsini shakllantirish bosh vazifa sifatida turadi. Bu tushuncha xususiy bo‘lib, joriy faoliyatni belgilaydi (ya’ni nima uchun o‘qitiladi).