Ўзбекистон республикасининг

98-модда. Процессуал муддатларни тўхтатиб туриш

Иш юритиш тўхтатиб турилиши билан ўтиб кетмаган барча процессуал муддатларнинг ўтиши тўхтатиб турилади. Иш юритиш тикланган кундан бошлаб процессуал муддатларнинг ўтиши давом этади.

99-модда. Процессуал муддатларни тиклаш ва узайтириш

Хўжалик суди ишда иштирок этувчи шахснинг аризасига кўра, ушбу Кодексда ёки бошқа қонунларда белгиланган процессуал муддатнинг ўтказиб юборилиши сабабларини узрли деб топса, ўтказиб юборилган муддатни тиклайди.

Ўтказиб юборилган муддатни тиклаш тўғрисида хўжалик судининг ҳал қилув қарорида, ажримида ёки қарорида кўрсатилади. Муддатни тиклашни рад этиш тўғрисида ажрим чиқарилади.
Хўжалик судининг процессуал муддатни тиклашни рад этиш тўғрисидаги ажрими устидан шикоят қилиш (протест келтириш) мумкин.
Хўжалик суди томонидан белгиланган процессуал муддатларни унинг ўзи узайтириши мумкин.
13-БОБ. СУД ЖАРИМАЛАРИ

100-модда. Жарима солиш

101-модда. Жарима солиш масаласини кўриш тартиби
100-модда. Жарима солиш

Жарима хўжалик суди томонидан ушбу Кодексда ва бошқа қонунларда назарда тутилган ҳолларда ва миқдорда солинади.

101-модда. Жарима солиш масаласини кўриш тартиби

Жарима солиш масаласи хўжалик судининг мажлисида ҳал этилади.

Ўзларига нисбатан жарима солиш масаласи кўрилаётган шахсларга мажлис вақти ва жойи тўғрисида топширилганлиги маълум қилинадиган буюртма хат орқали хабар қилинади. Тегишли тарзда хабар берилган шахснинг келмаслиги жарима солиш масаласини кўришга тўсқинлик қилмайди.
Хўжалик суди жарима солиш масаласини кўриш натижалари бўйича ажрим чиқаради.
Хўжалик судининг жарима солиш тўғрисидаги ажрими устидан шикоят қилиш (протест келтириш) мумкин.
II БЎЛИМ. БИРИНЧИ ИНСТАНЦИЯ ХЎЖАЛИК
СУДИДА ИШ ЮРИТИШ
14-боб. Суд буйруғи (102-111 моддалар)
15-боб. Даъво тақдим этиш (112-121 моддалар)
16-боб. Ишни судда кўришга тайёрлаш (122-124 моддалар)
17-боб. Судда ишни кўриш (125-134 моддалар)
18-боб. Хўжалик судининг ҳал қилув қарори (135-150 моддалар)
19-боб. Хўжалик судининг ажрими (151-153 моддалар)
20-боб. Алоҳида тоифадаги ишлар бўйича иш юритиш хусусиятлари (154-155 моддалар)
20-1-боб. Ҳакамлик судининг ҳал қилув қарорини бекор
қилиш тўғрисидаги ишларни юритиш (155-1 - 155-5 моддалар)
20-2-боб. Ҳакамлик судининг ҳал қилув қарорини мажбурий ижро этиш
учун ижро варақаси бериш тўғрисидаги ишларни юритиш (155-6 - 155-10 моддалар)