Ўзбекистон республикасининг қонуни

5-боб. Давлат фуқаролик хизматини ташкил этиш асослари
 
19-модда. Давлат фуқаролик хизмати тизими
Давлат фуқаролик хизмати тизими – давлат фуқаролик хизматчиларини танлаш, ҳисобга олиш, жойлаштириш, қайта тайёрлаш, уларнинг малакасини ошириш ва хизмат поғонаси бўйича ўсишнинг марказлаштирилган ягона ташкилий-ҳуқуқий механизми.
Белгиланган малака талабларига жавоб берадиган шахсларга, давлат фуқаролик хизматига кириб бўлган ёки давлат фуқаролик хизматига илк бор кираётганидан қатъий назар, давлат фуқаролик хизматига киришга тенг имкониятлар кафолатланади. Тенг имкониятларнинг яратилиши турли тоифадаги шахслар учун дифференцияллаштирилган малака талабларини истисно этмайди.
Давлат фуқаролик хизматчиларига давлат уларнинг қадр-қиммати
ва хизмати асосида кўрсатган хизматлари асосида хизмат поғонаси бўйича ўсишни кафолатлайди (меритократия).
 
20-модда. Давлат фуқаролик хизматчиларига қўйиладиган талаблар
Давлат фуқаролик хизматчилари ва давлат лавозимларини эгалламоқчи бўлган номзодлар, ўрнатилган малака талабларига жавоб бериши лозим.
Давлат лавозимларини эгаллаш учун ўрнатилган малака талаблари давлат органлари ва ташкилотлари томонидан ишлаб чиқилади ва тасдиқланади.
 
21-модда. Давлат лавозимларининг гуруҳ ва категориялари
Давлат фуқаролик хизмати тизимида қуйидаги давлат лавозимларнинг гуруҳ ва категориялари ўрнатилади:

Гуруҳлар	Категориялар
Раҳбарият (А)	А1 – Раҳбар А2 – Раҳбарнинг биринчи ўринбосари А3 – Раҳбар ўринбосари А3^1 – Раҳбар маслаҳатчиси