Ўзбекистон Республикасининг Қонуни геодезия ва картография фаолияти тўҒрисида

30-модда. Геодезия ва картографияга оид ишларни рўйхатга олиш
Умумдавлат аҳамиятига молик геодезия ва картографияга оид ишлар ҳамда махсус (тармоққа оид) аҳамиятга молик ишлар рўйхатга олиниши лозим.
Махсус (тармоққа оид) аҳамиятга молик ишларнинг айрим турлари Ўзбекистон Республикаси Вазирлар Маҳкамаси томонидан тасдиқланадиган рўйхатга мувофиқ рўйхатга олмасдан бажарилиши мумкин.
Геодезия ва картографияга оид ишларни рўйхатга олиш тўғрисидаги қарор фақат лицензияга эга бўлган юридик шахсларга берилади.
Геодезия ва картографияга оид ишларни рўйхатга олиш тўғрисидаги қарор амал қилиш муддати чекланмаган ҳолда берилади. Бунда берилган қарор ҳақидаги ахборот Геодезия ва картографияга оид ишларни рўйхатга олиш тўғрисида берилган қарорларнинг реестрига киритилади.
Геодезия ва картографияга оид ишларни рўйхатга олиш тўғрисидаги қарорни бериш, қайта расмийлаштириш, унинг амал қилишини тўхтатиб туриш, тугатиш ва уни бекор қилиш тартиби, шунингдек геодезия ва картографияга оид ишларни рўйхатга олиш тўғрисидаги қарорни бериш ҳақидаги аризани кўриб чиққанлик учун ундириладиган йиғим миқдори Ўзбекистон Республикаси Вазирлар Маҳкамаси томонидан белгиланади.
Геодезия ва картографияга оид ишларни рўйхатга олиш тўғрисидаги қарорни бериш ҳақидаги аризани кўриб чиқиш техник лойиҳалар (дастурлар) экспертизасини ўтказишни ўз ичига олади.
31-модда. Геодезия ва картографияга доир материаллар (маълумотлар) экспертизаси
Ўзбекистон Республикасининг Давлат бюджети маблағлари ҳисобидан молиялаштириладиган, умумдавлат аҳамиятига молик бўлган геодезия ва картографияга оид ишларни бажариш натижасида олинган геодезия ва картографияга доир материаллар (маълумотлар) экспертиза қилиниши лозим.
Геодезия ва картографияга доир материалларнинг (маълумотларнинг) экспертизасини ўтказишда уларнинг геодезия ва картография фаолиятини техник жиҳатдан тартибга солиш соҳасидаги норматив ҳужжатлар, шунингдек геодезия ва картографияга оид ишларни бажаришнинг техник лойиҳалари (дастурлари) талабларига мувофиқлиги аниқланади.
Геодезия ва картографияга доир материалларнинг (маълумотларнинг) экспертизаси бажарилган геодезия ва картографияга оид ишлар ҳақидаги техник ҳисоботлар асосида ўтказилади. Экспертиза натижаларига кўра махсус ваколатли давлат органи томонидан хулоса берилади.