Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Банк ҳамда масъулияти чекланган жамият шаклидаги қўшма корхона (қарз олувчи) ўртасида кредит шартномаси тузилган.
Мазкур кредит шартномасига кўра банк йиллик 12 фоиз миқдорда устама ҳақ тўлаш шарти билан 3 йил муддатга 1 000 000 АҚШ доллари бериш, қарз олувчи эса кредит асосий қарзи ва унга ҳисобланган фоизларни шартномада белгиланган муддат ва миқдорларда қайтариш мажбуриятини олган.
Кредит шартномаси бўйича мажбуриятларнинг бажарилишини таъминлаш мақсадида банк, қарз олувчи ва акциядорлик жамияти (суғурталовчи) ўртасида суғурта шартномаси тузилган.
Мазкур суғурта шартномасига кўра қарз олувчи кредит суммасини қайтариб бера олмаганлиги натижасида банкка етказилган зарарни қоплаб бериш мажбуриятини суғурталовчи ўз зиммасига олган.
Банк томонидан кредит шартномаси бўйича мажбуриятлар лозим даражада бажарилган, яъни 1 000 000 АҚШ доллари миқдоридаги кредит маблағлари ўз вақтида берилган.
Кредит шартномасига биноан қарз олувчи олинган кредит суммаси ва унга ҳисобланган фоизларни ойма-ой тўлов жадвали асосида тўлаб бориш мажбуриятини олган бўлсада, бироқ тўловлар ўз вақтида амалга оширилмаган.
Шу сабабли Ўзбекистон Республикаси Савдо-саноат палатаси банк манфаатида судга даъво аризаси билан мурожаат қилиб, қарз олувчидан 1 069 333,33 АҚШ доллари, шу жумладан 1 000 000 АҚШ доллари миқдорида кредит суммаси ва 69 333,33 АҚШ доллари миқдорида банк фоизини ундиришни ва ундирувни қарз олувчининг мол-мулкига қаратишни сўраган.


Банкнинг важлари
Биз ҳамда қарз олувчи ўртасида кредит шартномаси тузилган бўлиб, унга кўра қарз олувчига йиллик 12 фоиз миқдорда устама ҳақ тўлаш шарти билан 3 йил муддатга 1 000 000 АҚШ доллари миқдорида кредит маблағлари ажратилган.
Кредит шартномаси бўйича мажбуриятларнинг бажарилишини таъминлаш мақсадида банк, қарз олувчи ва суғурталовчи ўртасида суғурта шартномаси тузилган.
Банк томонидан кредит шартномаси бўйича мажбуриятлар лозим даражада бажарилган.
Кредит шартномасига биноан қарз олувчи олинган кредит суммаси ва унга ҳисобланган фоизларни ойма-ой тўлов жадвали асосида тўлаб бориш мажбуриятини олган бўлсада, бироқ тўловлар ўз вақтида амалга оширилмаган.
Шу сабабли қарз олувчидан 1 069 333,33 АҚШ доллари, шу жумладан 1 000 000 АҚШ доллари миқдорида кредит суммаси ва 69 333,33 АҚШ доллари миқдорида банк фоизини ундириш ва ундирувни қарз олувчининг мол-мулкига қаратиш лозим.