Ўзбекистон Республикасини янада ривожлантириш бўйича Ҳаракатлар стратегияси тўғрисида

Даъвогарнинг важлари:
Объект Ижарага олувчига реконструкция қилиш шарти билан ижарага берилган. Бу ҳолат Балансда сақловчининг Ижарага берувчига (ДУК) йўллаган 2014 йил 10 мартдаги 70-сонли хатида коллежнинг икки қаватли фойдаланилмаётган авария ҳолатидаги ётоқхона биносини даъвогарга ўз маблағлари ҳисобидан тасдиқланган лойиҳа асосида қайта таъмираб ва реконструкция қилиб “Ёшлар ўқув маркази”га айлантириб, 5 йил муддатга ижарага берилишига ҳеч қандай қаршилиги йўқлигини маълум қилган.
Шу мазмунда туман ҳокими ҳам Ижарага берувчига (ДУК) 2014 йил 11 мартда 028/1-сонли хат билан мурожаат қилган.
Шундан сўнг тарафлар ўртасида 2014-2015 йиллар давомида ижара шартномалари тузилиб келинган.
Тарафлар ўртасида 2014 йил 14 мартда тузилган 512-сонли ижара шартномасининг иловасида “Объектнинг таснифи”да бино 1966 йилда қурилганлиги ва бинода коммуникация тармоқлари мавжуд эмаслиги қайд этилган.
Ушбу шартнома тузилгандан кейин туман ҳокими қарорига асосан ижарага олувчи (даъвогар) ижарага олинган бинони реконструкция қилган ва бунга 264 100 000 сўм пул маблағлари сарф қилинган.
Даъвогар томонидан реконструкция қилинган объект Бошқарма томонидан даъвогарга у қилинган яхшилик қиймати билан бирга қайтадан сотилган ва натижада даъвогар зарар кўрган, Бошқарма эса асоссиз бойлик орттирган. Шу боис асоссиз орттирган бойликни жавобгарлар қайтариши лозим.


Жавобгарлар (Бошқарма ва Ижарага берувчи)нинг важлари:
Даъвогар (Ижарага олувчи) Бошқарма ва Ижарага берувчининг розилигисиз реконструкция ишларини амалга оширган.
Ўзбекистон Республикаси Фуқаролик кодексининг 555-моддасида, агар қонунда бошқача тартиб назарда тутилмаган бўлса, ижарага олувчи томонидан ижарага берувчининг розилигисиз амалга оширилган ва ижарага берилган мол-мулкдан ажратиб олиб бўлмайдиган яхшилашларнинг қиймати тўланмаслиги белгиланган.
Мазкур ҳолатда Ижарага берувчи (ДУК) томонидан объектни реконструкция қилишга (капитал таъмирлашга) рухсат берганлигини тасдиқловчи далиллар мавжуд эмас.
Шу сабабли даъвогарнинг талаби асоссиздир.