Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
2015 йил 15 июлда Давлат рақобат қўмитасининг вилоят ҳудудий бошқармаси (бундан буён матнда даъвогар ёки сотувчи деб юритилади), масъулияти чекланган жамияти (бундан буён матнда жавобгар ёки харидор деб юритилади) ва туман Ҳалқ таълими бўлими (бундан буён матнда Балансда сақловчи деб юритилади) ўртасида 5-сонли инвестиция мажбуриятлари эвазига “0” харид қийматида сотиш бўйича олди-сотди шартномаси тузилган ва унга кўра тумандаги фойдаланилмаётган 1-умумтаълим мактаб биносинг бир қисми (бундан буён матнда объект деб юритилади) жавобгарга “0” харид қийматида сотилган.
Шартноманинг 4.1-банди ва 2-иловасига асосан жавобгар 1,5 йил муддат ичида 178 500 000 сўм миқдордаги инвестиция мажбуриятини бажариши ва 15 та янги иш ўринларини яратиши лозим бўлган.
Даъвогар судга даъво аризаси билан мурожаат қилиб, 2015 йил 15 июлдаги 5-сонли олди-сотди шартномасини бекор қилиш, жавобгардан инвестиция мажуриятларини бажарилмаганлиги сабабли 10 182 856 сўм пеня ва аудиторлик ташкилотига тўланган 500 000 сўмни зарар сифатида ундиришни сўраган.


Даъвогар (Сотувчи)нинг важлари:
Жавобгар томонидан инвестиция мажбурияти 70,5 млн. сўмга кам бажарилган. Ушбу ҳолат аудиторлик ташкилотининг 2017 йил 2 августдаги 24-сонли хулосаси билан ўз тасдиғини топган.
Инвестиция мажбурияти ўз вақтида бажарилмаганлиги учун ҳар бир кечиктирилган кун учун бажарилмаган инвестиция мажбуриятлари қийматининг 0,04 фоизи миқдорида, бироқ кечиктирилган инвестиция мажбуриятлари қийматининг 50 фоизидан ошмаган ҳолда, 10 182 856 сўм пеня ҳисобланган.
Жавобгар томонидан бажарилгаан инвестиция миқдорини аниқлаш учун даъвогар томонидан аудиторлик ташкилоти шартнома асосида жалб қилиниб, унга кўрсатилган хизмат учун 500 000 сўм тўлаб берилган. Ушбу сумма сотувчи (даъвогар)га етказилган зарар ҳисобланади.
Шартноманинг 5.4-бандида “мазкур шартноманинг 4-бўлими, 2-иловасида назарда тутилган муддатлар тугатилгандан кейин Харидор томонидан уч ой мобайнида ушбу шартномада назарда тутилган кўринишларда ва ҳажмларда (навбатдаги, оралиқ инвестиция даврида миқдор жиҳатидан) инвестиция мажбурияти бажарилмаган (ёки лозим даражада бажарилмаган) тақдирда Сотувчи ушбу шартномани белгиланган тартибда бекор қилишга ҳақли” эканлиги белгиланган.