Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
Масъулияти чекланган жамияти (бундан буён даъвогар деб юритилади) ва бошқа масъулияти чекланган жамияти (бундан буён жавобгар деб юритилади) ўртасида 2010 йил 3 март куни 1-сонли ижара шартномаси тузилган ва унга кўра даъвогар жавобгарга жами майдони 3 553 кв.м.дан иборат бино ва иншоотларни (бундан буён объект деб юритилади) ижарага берган. Шартнома шартларига кўра, шартномани амал қилиш муддати
2010 йил 1 мартдан 2013 йилнинг 1 мартгача, ижара ҳақи эса бир ойга 2 300 000 сўм миқдорда белгиланган.
Шунингдек, тарафлар ўртасида 2013 йил 1 ноябрда 2-сонли ижара шартномаси тузилган ва унга кўра даъвогар объектни жавобгарга ижарага берган. Шартномада уни амал қилиш муддати 2013 йил 1 ноябрдан 2014 йилнинг 1 ноябргача, ижара ҳақи эса бир ойга 3 000 000 сўм миқдорда белгиланган.
Ижараси шартномасининг муддати тамом бўлганидан кейин ҳам жавобгар мулкдан фойдаланиб келган ва даъвогар бунга эътироз билдирмаган. Шу сабабли жавобгар бир ойга 3 000 000 сўм миқдорда ижара ҳақини тўлаб келган.
Бироқ тарафлар ўртасида тузилган ижара шартномаларининг амал қилиш муддати бир йилдан ошиқ бўлса-да, улар давлат рўйхатидан ўтказилмаган.
Даъвогарнинг даъво аризаси бўйича суднинг 2017 йилдаги ҳал қилув қарори билан тарафлар ўртасида тузилган ижара шартномалари Фуқаролик кодексининг 112-моддасига асосан ҳақиқий эмас деб топилган.
Шундан кейин даъвогар судга даъво аризаси билан мурожаат қилиб, жавобгардан 2 791 068 000 сўм зарарни ундиришни сўраган.


Даъвогарнинг важлари:
Жавобгар 2010 йилдан бери объектдан фойдаланиб келган.
Ўзбекистон Республикаси Президентининг “Ўзбекистон Республикасининг 2017 йилги асосий макроиқтисодий кўрсаткичлари прогнози ва давлат бюджети параметрлари тўғрисида” 2016 йил
27 декабрдаги ПҚ-2699-сонли қарорига мувофиқ ҳар бир ой учун 1 кв.м. ишлаб чиқариш майдонини ижарага бериш миқдори энг ками 9 000 сўмни ташкил қилади.
Шу учун жавобгар майдони 3 553 кв.м.дан иборат ердаги мулклардан 2010-2017 йилларда фойдаланганлиги учун 2 686 068 000 (3 553 х 9 000 х 31 977 000 х 12 х 383 724 000 (бир йил учун) х 7) сўм зарарни тўлаб бериши лозим.