Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Якка тартибдаги тадбиркор (бундан буён матнда – даъвогар деб юритилади) ва акциядорлик жамияти (бундан буён матнда – жавобгар деб юритилади) ўртасида юк ташиш шартномаси тузилган.
Шартнома шартларига кўра, даъвогар жавобгар томонидан жўнатиш учун топширган юкларни қабул қилиш ва кўрсатилган манзилга ўз вақтида етказиб бериш, жавобгар эса даъвогар томонидан кўрсатилган юк ташиш хизмати учун олдиндан 15 фоизини қолган қисмини эса маҳсулот топширилган кундан бошлаб 30 кун ичида тўловларни амалга ошириш мажбуриятини олган.
Даъвогар томонидан тегишли юк хатлари ва ишончномалар асосида шартномада кўрсатилган хизматлар тўлиқ бажарилган бўлса-да, жавобгар эса кўрсатилган хизматлар учун 15 фоизи миқдорида тўловни амалга ошириб, маҳсулот топширилган кундан бошлаб 30 кундан кейин ҳам қолган тўловларни асоссиз равишда тўлаб бермаган.
Даъвогар томонидан низони судгача ҳал қилиш тартибига риоя қилган ҳолда, юзага келган қарздорлик суммасини ихтиёрий равишда тўлаб бериш ҳақида жавобгарга талабнома жўнатилган. Бироқ, жавобгар ушбу талабномани эътиборсиз қолдирган.
Шу асосда даъвогар иқтисодий судга даъво аризаси билан мурожаат қилиб, жавобгардан 36 944 923 сўм асосий қарз, 1 847 246 сўм жарима ва пул маблағларидан фойдаланганлик 2 955 923 сўм фоиз ундиришни сўраган.


Даъвогарнинг важлари
Тарафлар ўртасида тузилган юк ташиш шартномаси шартларига кўра, даъвогар жавобгар томонидан жўнатиш учун топширган юкларни қабул қилиши ва кўрсатилган манзилга ўз вақтида етказиб бериши, жавобгар эса даъвогар томонидан кўрсатилган юк ташиш хизмати учун ҳақ тўлаши лозим бўлган.
Шартнома шартларига кўра, жавобгар даъвогар томонидан кўрсатилган юк ташиш хизмати учун олдиндан 15 фоизини қолган қисмини эса маҳсулот топширилган кундан бошлаб 30 кун ичида тўловларни амалга ошириш мажбуриятини олган бўлса-да, кўрсатилган хизматлар учун 15 фоизи миқдорида тўловни амалга ошириб, маҳсулот топширилган кундан бошлаб 30 кундан кейин ҳам қолган тўловларни асоссиз равишда тўлаб бермаган.
Даъвогарнинг тўловларни амалга ошириш ҳақида юборган талабномаси жавобгар томонидан эътиборсиз қолдирилган.
Шу асосда жавобгардан 36 944 923 сўм асосий қарз, 1 847 246 сўм жарима ва пул маблағларидан фойдаланганлик 2 955 923 сўм фоизни ундириш лозим бўлади, деб ҳисоблаган.