Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
“А” масъулияти чекланган жамияти (бундан буён матнда – даъвогар деб юритилади) ва “Б” масъулияти чекланган жамияти (бундан буён матнда – жавобгар деб юритилади) ўртасида маҳсулот етказиб бериш шартномаси тузилган. Шартнома шартларига кўра, жавобгар шартномада белгиланган миқдордаги ва турдаги маҳсулотларни етказиб бериши, даъвогар эса маҳсулот ҳақини тўлаши лозим бўлган.
Мазкур шартнома шартларига кўра, жавобгар даъвогарга маҳсулот етказиб беришни, даъвогар эса бу маҳсулотлар ҳақини 100 фоиз олдиндан пул ўтказиш йўли билан тўлаш мажбуриятини олган.
Ушбу шартномага асосан даъвогар томонидан жавобгар ҳисобига шартномада кўрсатилган маҳсулотлар ҳаққининг 100 фоиз олдиндан пул ўтказиш йўли билан 66 000 000 сўм ўтказиб берилган бўлса-да, жавобгар томонидан маҳсулотлар етказиб берилмаган.
Шу асосда даъвогар судга даъво аризаси билан мурожаат қилиб, жавобгардан 66 000 000 сўм асосий қарз, 6 600 000 сўм пеня ундиришни сўраган.


Даъвогарнинг важлари
Тарафлар ўртасида тузилган маҳсулот етказиб бериш шартномаси шартларига кўра, жавобгар маҳсулот етказиб бериши, даъвогар эса етказиб берилган маҳсулот ҳақини тўлаши лозим бўлган.
Мазкур шартнома шартларига кўра, жавобгар даъвогарга умумий қиймати 66 000 000 сўмлик маҳсулот етказиб беришни, даъвогар эса бу маҳсулотлар ҳақини 100 фоиз олдиндан пул ўтказиш йўли билан тўлаш мажбуриятини ўз зиммасига олган.
Шартномага асосан даъвогар томонидан жавобгар ҳисобига шартномада кўрсатилган маҳсулотлар ҳаққининг 100 фоизи, яъни 66 000 000 сўм олдиндан пул ўтказиш йўли билан ўтказиб берилган бўлса-да, жавобгар томонидан маҳсулотлар етказиб берилмаган.
Шунинг учун жавобгардан 66 000 000 сўмлик маҳсулот ҳақи ва унга ҳисобланган 6 600 000 сўм пеня ундириш лозим бўлади, деб ҳисоблаган.


Жавобгарнинг важлари
Жавобгар томонидан тарафлар ўртасида тузилган шартнома шартлари тўлиқ бажарилган, яъни шартномада кўрсатилган маҳсулотлар даъвогарга тўлиқ етказиб берилганлигини, маҳсулотлар даъвогар томонидан қабул қилиб олинганлигини, мазкур ҳолатлар жавобгар томонидан судга тақдим этилган тегишли ҳужжатлар яъни ишончнома ва ҳисоб-китоб фактуралар билан исботланишини билдирган.
Қайд этилганларга кўра, даъвогарнинг асосий қарз ва пеня ундириш ҳақидаги даъво талабларини қаноатлантириш рад этилиши лозим, деб ҳисоблаган.