Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
Назорат қилувчи органлар фаолиятини мувофиқлаштирувчи Республика кенгаши шаҳар ҳудудий комиссиясининг рухсатномаси, шаҳар Давлат солиқ инспекциясининг буйруғига асосан МЧЖга қарашли авиачипта сотиш шаҳобчасида қисқа муддатли текшириш ўтказилган.
Текширишда МЧЖ ходими 220 000 сўм бўлган авиачиптани харидорга 220 000 сўмга сотганлиги, бироқ, харид чеки бермаганлиги, шаҳобчада назорат-касса машинаси ўрнатилмаганлиги аниқланган.Текшириш якуни юзасидан тегишли далолатнома расмийлаштирилган.
Текшириш материаллари шаҳар Давлат солиқ инспекциясида (бундан буён матнда ДСИ деб юритилади) кўриб чиқилган. Унинг натижасидаМЧЖга нисбатан Солиқ кодекси 114-моддасининг учинчи қисмига асосан яширилган220 000 сўм тушумнинг 20 фоизи, яъни 44 000 сўм,119-моддасининг биринчи қисмига асосан 4 493 250 сўм молиявий санкция қўллаш ҳақида қарор қабул қилинган.
Қарорда жавобгардан молиявий санкция суммасини ихтиёрий тўлаш сўралган.
Ушбу молиявий санкция суммаси МЧЖтомонидан ихтиёрий тўланмаган. Шу сабабли, ДСИ судга ариза билан мурожаат қилиб, МЧЖга Солиқ кодекси 114-моддасининг учинчи қисмига асосан 44 000 сўм, 119-моддасининг биринчи қисмига асосан 4 493 250 сўм молиявий санкция қўллашни сўраган.

ДСИ (аризачининг) важлари:

МЧЖ томонидан ҳуқуқбузарлик содир этилганлиги аризага илова қилинган барча далиллар билан тўлиқ тасдиқланган. Шунинг учун ариза тўлиқ қаноатлантирилиши лозим.

ЯТТ (жавобгар)нинг важлари:

МЧЖ томонидан харидорга электрон авиачипта сотилган. Ўзбекистон Республикаси Вазирлар Маҳкамасининг 2011 йил 17 ноябрдаги 306-сонли қарори билан тасдиқланган “Юридик ва жисмоний шахсларнинг ўз фаолияти хусусиятига кўра аҳоли билан пуллиҳисоб-китобларни фискал хотирага эга бўлган назорат-касса машиналарини қўлламасдан амалга ошириши мумкин бўлган айрим тоифалари” рўйхатига асосан МЧЖ аҳолига назорат-касса машиналари қўлламасдан авиачипта сотиш ҳуқуқига эга. Шунинг учун ДСИнинг талабини қаноатлантириш рад этилиши лозим.