Ўзбекистон Республикасини янада ривожлантириш бўйича Ҳаракатлар стратегияси тўғрисида

Қўлланиш тўғрисида низодаги тараф баён қилган даъво муддатининг ўтиши суднинг даъвони рад этиш ҳақида қарор чиқариши учун асос бўлади


Низонинг моҳияти:
“А” акциядорлик жамияти (бундан буён матнда акциядорлик жамияти деб юритилади) ва “В” ташкилоти (бундан буён матнда ташкилот ёки жавобгар деб юритилади) ўртасида 2002 йил 1 ноябрда олди-сотди шартномаси тузилган.
Мазкур шартнома шартларида акциядорлик жамияти ўзига тегишли бўлган умумий ер майдони 0,38 гектар бўлган “Навдадан маҳсулот тўқиш” цехини қўшимча бинолар (бундан буён матнда кўчмас мулк деб юритилади) билан бирга ташкилотга 6 000 000 сўм қийматда сотишга, жавобгар эса кўчмас мулкни ушбу қийматда сотиб олишга келишишган.
Туман ҳокимининг 2003 йил 8 февралдаги 111-сонли қарори билан “Навдадан маҳсулот тўқиш” цехи эгаллаган 0,38 гектар ер майдони жавобгарга олиб берилган.
2017 йил 7 апрелда кўчмас мулкка бўлган мулк ҳуқуқи жавобгар номига давлат рўйхатидан ўтказилган ва бу тўғрисида кадастр органи томонидан гувоҳнома берилган.
Масъулияти чекланган жамиятига давлат органи томонидан берилган юридик шахсни давлат руйхатидан ўтказиш тўғрисидаги гувоҳномада акциядорлик жамияти масъулияти чекланган жамиятига ўзгартирилиб, қайта руйхатдан ўтказилганлиги қайд этилган.
Масъулияти чекланган жамияти (бундан буён матнда даъвогар деб юритилади) ўзини акциядорлик жамиятининг ҳуқуқий вориси сифатида кўрсатиб, судга даъво аризаси билан мурожаат қилган. Даъво аризасида 2002 йил 1 ноябрдаги олди-сотди шартномасини ҳақиқий эмас деб топишни сўраган.


Даъвогарнинг важлари:
Кўчмас мулкни сотишда акциядорларнинг розилиги олинмаган, кўчмас мулк қонун ҳужжатлари талабларига зид равишда тасарруф этилган, Ўзбекистон Республикаси Фуқаролик кодекси нормаларига мувофиқ шартнома ҳақиқий эмас. Бундан ташыари, олди-сотди шартномаси тузилганлигидан даъвогар хабардор бўлмаган.
Шунинг учун даъво аризаси қоноатлантирилиши лозим.


Жавобгарнинг важлари:
Ташкилот олди-сотди шартномаси асосида олинган мулкдан у сотиб олинган пайтдан бошлаб фойдаланиб келган. Ўтган вақт давомида ташкилот томонидан бинода таъмирлаш ишлари амалга оширилган.
Даъвогар даъво аризасини қонунда белгиланган уч йиллик даъво муддатини ўтказиб берган.
Шунинг учун даъвогарнинг даъво аризасини қаноатлантириш рад этилиши лозим.