Ўзбекистон Республикасида замонавий соғлиқни сақлаш тизимини яратишда муҳим йўналиш бўлиб, аҳолига кенг қамровли, ўз вақтида ва юқори сифатли бирламчи тиббий-санитар ёрдамни таъминлаш ҳисобланади

III. Асосий назарий қисм (маъруза машғулотлари)
1-мавзу. Сув-туз алмашинуви, лаборатор ташҳиси, патокимёвий асослари
Сув, натрий, калий ва магний ионларининг организмда тақсимланиши, аҳамияти. Сув ва ҳужайра ташқарисида осмомоляллик. Натрий ва ҳужайра ташқарисида сув ҳажми. Сув ва натрийни етишмовчиликлари. Сув ва натрийни кўпайиб кетиши. Сув ва натрий гомеостазини лаборатор баҳолаш. Калий гомеостази, унинг бузилишлари ва лаборатор ташҳиси. Қон плазмасида кальций, фосфатлар ва магний миқдори, бошқарилиши, бузилишлари ва уларни ташҳислаш.
2-мавзу. Кислота-асос мувозанати
Кислота-асос мувозанати. Бикарбонатлар реабсорбцияси ва водород ионларини экскрецияси. Водород ионлари гомеостазини бузилишлари: турли хилдаги ацидоз ва алкалоз ҳолатлари. Водород ионлари гомеостази кўрсаткичларини клиник лаборатор баҳолаш, уларнинг таҳлили. Кислородни ташилиши ва уни бузилишлари.
3-мавзу. Плазма оқсиллари ва ферментлар
Қон плазма оқсилларини аниқлаш. Қон плазмасининг специфик оқсиллари, ташҳиси ва бузилишлари. Ўткир фаза оқсиллари ва ўткир фазадаги жараёнлар, уларни ташҳиси. Иммуноглобулинлар, вазифалари, аниқлаш усуллари ва патологик жараёнларда ўзгаришлари. Цитокинлар. Қон плазмаси ферментлари. Диагностик аҳамиятга эга бўлган ферментлар.
4-мавзу. Углеводлар алмашинувининг бузилишлари
Қонда ва бошқа суюқликларда глюкоза миқдорини аниқлаш усуллари. Қандли диабет, патофизиологияси ва клиник кўринишлари, ташҳиси. Диабетнинг метаболик асоратлари, уларни ташҳислаш. Гипогликемия, гипогликемик синдромлар.
5-мавзу. Липидлар ва липопротеинлар
Учацилглицеридлар, холестерин ва фосфолипидлар. Липопротеинлар таснифи, метаболизми. Липид алмашинуви меёрий кўрсаткичлари, аниқлаш усуллари. Липидлар метаболизмининг бузилишлари, уларни даволашнинг асосий критерийлари.
6-мавзу. Гемопротеидлар, порфиринлар ва темир алмашинуви бузилишлари
Гемоглобин ва гемоглобинопатиялар, гемоглобиннинг патологик шакллари. Порфиринлар, порфириялар, таснифи, клиник ташҳиси. Темир, организмда темир миқдорини аниқлаш диагностик тестлари. Темир алмашинуви бузилишлари.