Ўзбекистон Республикасида замонавий соғлиқни сақлаш тизимини яратишда муҳим йўналиш бўлиб, аҳолига кенг қамровли, ўз вақтида ва юқори сифатли бирламчи тиббий-санитар ёрдамни таъминлаш ҳисобланади

1. 
   Ўқув фанининг долзарблиги ва олий касбий таълимдаги ўрни
   

Ўзбекистон Республикасида замонавий соғлиқни сақлаш тизимини яратишда муҳим йўналиш бўлиб, аҳолига кенг қамровли, ўз вақтида ва юқори сифатли бирламчи тиббий-санитар ёрдамни таъминлаш ҳисобланади. Қишлоқ врач пунктларида, қишлоқдаги оилавий поликлиникаларда, тез тиббий ёрдам станцияларида ва тез тиббий ёрдам муассасаларида ташкил этилган клиник ташхис лабораториялари маълум даражада кўп вазифаларни ҳал этишга ёрдам берди. Бугунги кунда аҳоли саломатлигини назорат қилиш учун лаборатор ташхис, дифференциал ташхис ва асоратлар ривожланишини башорат қилиш сифатини ошириш талаб қилинмоқда.

Ушбу фан дастури Ўзбекистон Республикаси Давлат таълим стандарти ва бакалавриат таълим йўналиши малака талабларига асосланган ҳолда тузилган. Ушбу дастур асосида замонавий педагогик технологияларни ўқитиш жараёнига тадбиқ этиб, талабани назарий маълумотидан бошланғич амалий кўникмаларни фантомларда бажаришга ўргатиб ва орттирилган кўникмаларни замонавий тиббий технологиялар орқали клиник лаборатор амалиёт билан уйғунлаштирган ҳолда мустақил равишда лабораторияларда юқори технологик усуллар асосида ташҳислаш ва даволашда стандартизация, модернизация ҳамда иқтисодий жиҳатдан самарали бўлган протокол ва стандартларни киритишга замин яратиб беради. Дастурнинг мақсад ва вазифаларини ечими якунида талаба горизонтал ва вертикал интеграция жараёнларида олган билим ва амалий кўникмаларни клиник уйғунлаштириб, етук, рақобатбардош, мустақил клиник фикрлаш қобилиятига эга бўлган тиббий биология бўйича мутахасис бўлиб шаклланади.
Тиббий биология фани бўйича мутахассис тайёрлаш касбий таълимда лаборатор ташхис бўйича мутахассис шифокорларни тайёрлашни такомиллаштириш, танлаш ва уларнинг касбий фаолиятини баҳолашда муҳим аҳамиятга эга.
Мазкур фан ўқув режадаги тиббий биология ва генетика, биофизика, тиббий ва биологик кимё, одам анатомияси, физиология, гистология ва иммунология, микробиология ва паразитология, клиник лаборатор ташҳиси, ички касалликлар фанларидан ўзлаштирилган билимларга асосланади.