Ўзбекистон республикасида таълим

Танишув (музёрар) - иштирокчиларнинг дарсда ўзаро эркин ва фаол 
мулоқотларини таъминлаш мақсадида турли ҳаракатли машқларни ташкил 
қилиш орқали ўтказилади. Бу машқлар - иштирокчилар орасидаги нотанишлик 
тортинчоқлик ва шу каби ҳолатларни бартараф қилиб, ўзаро илиқ 
муносабатларни ҳосил қилишга йўналтирилгани учун «музёрар» деб 
номланади. 
Кутиладиган натижалар ҳар бир ўқувчи машғулотлар якунида нималарни 
ўрганиши, қандай ишларни бажара оладиган бўлиши ҳақида маълумот берилиб, 
бунда ўқувчиларнинг шахсий эҳтиёжлари асосида оғзаки ёки ёзма равишда 
билдирган қутловлари ҳам ҳисобга олинади. 
Кичик гуруҳларга ажратиш машғулот мақсадига мувофиқ равишда 
ўқувчиларни бир нечта кичик гуруҳларга ажратган ҳолда вазифалар 
бажаришларини ташкил этиш учун ҳар турли ҳаракатли машқлар шаклида 
амалга оширилади. Кичик гуруҳларга биринчи марта ажратишда ўқувчилар ўз 
ихтиёрларига кўра гуруҳларга ажралишлари мумкин. Кейинги галларда 
тасодифий кичик гуруҳларга ажратиш қўлланилади. 
Кичик гуруҳлар ишини ташкил қилиш - ҳар бир кичик гуруҳга аниқ 
вазифа, зарур материаллар, воситалар тақсим қилинади, вазифани бажариш, 
натижани маълум қилиш тартиби ва ажратилган вақт белгиланади. 
Тақдимотлар кичик гуруҳлар ўзларига берилган вазифаларни бажаргандан 
кейин олинган натижаларни улар белгилаган вакил томонидан барча гуруҳлар 
аъзолари олдида тақдимот қилишдан иборат. Бундай тақдимот якка тартибда 
берилган вазифани бажарган бирор ўқувчи томонидан ҳам амалга оширилиши 
мумкин. 
Кичик маърузалар интерфаол машғулот мавзуси бўйича ўқувчиларга 
назарий маълумотларни етказиш мақсадида тренер, маърузачи ёки ўқитувчи 
томонидан етказилади. 
Муҳокамалар ўтказиш дарс мавзусига доир масалалар юзасидан 
ҳамкорликда фикр юритиш ва хулосалар чиқаришга йўналтирилган интерфаол 
машқлардан иборат. 
Хулосалар ва вазифаларни белгилаш – машғулот давомидаги хулосаларни 
жамлаш ва умумлаштириш ҳамда ўқувчилар учун навбатдаги вазифаларни 
белгилаб беришдан иборат. 
Машғулотни якунлаш — машғулотдан қониққанлик даражасини ҳар бир 
ўқувчи томонидан баҳолашни ҳар турли интерфаол шаклларда ташкил этилади. 
Бу баҳолаш натижаларини кейинги машғулотларни ташкил этишда ҳисобга 
олиб борилади.