Ўзбекистон республикаси ветеринария ва чорвачиликни ривожлантириш давлат қЎмитаси

Захарланишларни олдини олиш чора-тадбирлари. Қишлоқ хўжалик ҳайвонлари ва паррандаларнинг ҳозирги вақтда Ўзбекистон Республикаси деҳқончилиги ва чорвачилигида кенг қўлланиладиган пиретроидлар билан захарланишларини даволаш воситаларининг йўқлиги захарланишларни олдини олиш чора-тадбирларини ишлаб чиқишини долзарб вазифа қилиб қўйди.
2003 йилда Ўзбекистон Республикаси Вазирлар Маҳкамаси ҳузуридаги кимёлаштириш ва ўсимликларни ҳимоя қилиш воситалари Давлат қўмитаси томонидан қишлоқ хужалигида қўлланиладиган пестицидларни қўллаш регламенти ишлаб чиқилган.
Қишлоқ хужалик ҳайвонлари ва паррандаларнинг захарланишларини олдини олиш учун ушбу регламентга асосан қуйидагиларга риоя қилиш керак:
1. Пестицидларни омборхоналарда сақлаш ва ташиш қоидаларини бузмаслик;
2. Ўсимликларни, шу жумладан озуқабоп ўсимликларни зараркунандаларга қарши ишлаганда пиретроидларнинг рухсат этилган миқдорига риоя қилиш;
3. Пестицид билан ўсимликларни такрорий ишлаш (қўллаш) муддатларини қисқартирмаслик;
4. Ўсимликларни охирги марта пестицидлар билан пуркаб, ҳосилини йиғиб олгунга белгиланган кутиш муддатини қисқартирмаслик. Бу кутиш муддати кўпчилик пиретроидлар учун 20 кунни ташкил қилади. Фақат нурел-Д препарати учун бу муддат 30 кунни ташкил қилади;
5. Пестицидлар билан ишланган озуқабоп экинлардан тайёрланган озуқалар таркибида захарли моддалар миқдорини, ветеринария лабораторияларида текшириш;
6. Қишлоқ хўжалик ҳайвонлари эктопаразитларига қарши фойдаланиш учун мўлжалланган пиретроидлар Давлат ветеринария бош бошқармаси томонидан тасдиқланган қўлланмалар асосида ишлатиш;
7. Пиретроидларнинг қишлоқ хўжалик ҳайвонлари озуқаларида рухсат этилган миқдори 0,2 мг/кг.дан ошмаслиги керак.
Мис бирикмалари билан заҳарланишлар-Мис (Сu) ўсимликларда, ҳайвон ва одам организмида ҳам бўлади.
Агар мис тупроқдан, сувдан, ўсимликдан олганда кўп бўлса ҳам, оз бўлса ҳам организмдаги жараёнлар бузилади.
Масалан кам бўлса «Буранг» модда алмашиниши бузилади, нерв системаси ҳам, айниқса орқа мия юмшайди, натижада думғаза ҳам бўшашади, асосан қоракўл қўйларида буларни Риш ўз тажрибаларида аниқлади (мис моддасининг етишмаслигини).
Амалиётда фенотиазин – мис купороси ветеринарияда ва чорвачиликда жуда кенг ишлатилади.
Мис организмда кўп бўлса «Желтуха» сариқ касаллиги бўлиши мумкин. Организмда мис моддасининг алмашинуви бузилишида қон сийиши кузатилади. Антигельминтик модда сифатида 1 % ли мис сульфат қўлланилади. 2 % мис сульфатни қўллаш мумкин деган айрим далиллар бор, лекин бунда организм заҳарланади.
Мис сульфат – кўчатларни, мева дарахтларига ишлов бергандан кейин агар ҳайвонларни шу ерларда сақласа заҳарланиши мумкин.
АБ препарат таркиби мураккаб бўлади, гипс, медь ва бошқалар қўшилган.