Ўзбекистон Республикаси Вазирлар Маћкамаси ћузуридаги

Новоапостол черковининг биринчи жамоалари Англияда XIX асрнинг ўрталарида вужудга келди. Уларнинг асосий мақсади - I-II асрлардаги черковлар мавқеини тиклаш.
Новоапостол черковида учта «таинства» бажарилади: сув билан чўқинтириш - ёшнинг фарқи йўқ; причашение - нон ва вино билан тотиниш, Муқаддас Руҳ билан запечатление - инсоннинг ички оламини бутунлай янгилаш. Черков таълимотига кўра, Худо руҳонийларнинг дуо ва фотиҳалари сабабли бандаларига ўзининг меҳру мурувватини ато қилади.
Черковни биринчи апостол ва апостоллар бошқарадилар. Ўз навбатида улар апостолларнинг ўринбосарлари ҳисобланадилар («Новоапостол черкови» номи шундан келиб чиққан), Муқаддас Руҳ томонидан бериладиган хос қобилиятлар ҳам шу тариқа бўлинган. Биринчи апостол, диний қоидаларга асосан, Худонинг ердаги вакили ҳисобланади. Биринчи апостолликка номзод апостоллар орасидан танланади. Маълум бир давлат ёки минтақадаги Новоапостол жамоалари округларга бирикадилар ва уларни округ апостоли бошқаради. Ҳозирги кунда 22 та округ мавжуд. Унинг топшириғига кўра, минтақалардаги жамоалар апостол, епископ ёки округ руҳонийлари томонидан бошқарилади. Уларга пасторлар, инжилчилар, поплар ҳамда дьяконлар ёрдам берадилар. (Черковда диний билим юрти мавжуд эмас.) Черков ходимлари ўз вазифаларини бепул ва ўзларининг асосий касбларидан ташқари бажарадилар.


Мустақил иш учун:
Евангелчи-лютеранлар Ўзбекистон ҳудудида 1877 йилдан буён фаолият кўрсатиб келмоқда. 1884 йилдан лютеранлар ибодатларини расман амалга оширганлар. 1890 йилда архитектор А.Л. Бенуа раҳбарлигида бошланган черков қурилиши 1896 йилнинг декабрь ойига келиб ниҳояланди.
Ўзбекистонда яна бир черков Новоапостоллик черкови бўлиб, у христиан динининг протестантлик йўналишига мансуб оқимдир. Новоапостол черкови Ўзбекистондаги фаолиятини 1992 йилдан бошлаган бўлиб, Тошкент, Самарқанд, Бухоро ва Навоий шаҳарларида рўйхатдан ўтган. Ўзбекистондаги Новоапостол черковлари Берлин-Бранденбург округи тасарруфидадир. Унинг апостол-президенти Фриц Шредердир.