Œзбекистон республикаси

 
Тебранишларни қайд қилишнинг гальванометрик усуллари. 

---

247 
Табиий (тектоник) зилзилалар ва бошқа сунъий манбалардан вужудга 
келувчи тебранишларни қайд қилишда асосан кўчишни электр сигналларига 
айлантириш принципдан фойдаланилади.
Сейсмик станцияларда шундай принципнинг икки хилдаги ўзгартишларидан 
фойдаланилади. 
1. 
Магнитэлектрик усул. Бундай усулда қайд қилиш схемаси қуйидаги 124-
расмда келтирилган. Ушбу схемада келтирилган индукцион катушка С маятникка 
маҳкамланган ҳолда бир жинсли магнит майдонига, кўпинча ўзгармас магнит 
майдонига жойлаштирилади. Маятник ҳаракатланиш жараёнида катушкадан 
ўтувчи магнит потоки ўзгаради ва натижада электр магнит индукцияси туфайли 
катушка (ғалтак) ўрамларини ташкил қилган ўтказгичда электр юритувчи куч 
вужудга келади. Шу йўсинда С ғалтак ва Г гальванометрдан иборат схемада 
электр токи пайдо қилинади ва кўзгули гальванометрлар ёрдамида фотографик 
усулда қайд қилинади.
124-
расм. Магнит электрик усулда гальванометрик қайд қилиш схемаси.
С-сейсмометр ўзгарткичи; Г-гальванометрнинг кўзгули рамкаси,
О-ёриткич, Б-регистр барабани.
2. 
Электромагнит усули, Мазкур усулнинг принципиал схемаси қуйидаги 
расмда келтирилган. Бу ерда прибор инерт массасига темир лангар махкамланган 
(125-
расм).
Прибор атрофига ғалтак кийгизилган ва кўзгули гальванометр билан ёпиқ 
схема орқали уланган магнит махкамланган.
Прибор массаси ҳаракатланганда лангар ва магнит қутблари орасидаги 
тирқиш масофаси ўзгариши туфайли магнит занжирларининг магнит қаршилиги 
ўзгариши содир бўлади. Физика курсидан маълумки, ушбу жараёнда ғалтакдаги 
магнит индукцияси потоки ўзгариши туфайли занжирда (схемада) электр токи 
вужудга келади ва оддий фотографик усулда гальванометрлар ёрдамида қайд 
қилинади.

---

248 
Юқорида келтирилган усулда тебранишларни қайд қилиш тизимида 
сейсмометр замин ҳаракатини э. ю. к. га айлантириш учун хизмат қилади ва у 
приборнинг асосий қисмини маятник ва ўзгарткич ташкил қилади.