Ўзбекистон республикаси қурилиш вазирлиги ўзбекистон республикаси

Aкустик хоссалар
Ашёларнинг товушни ютиш қобилияти α_т коэффициенти билан тавсифланади. Товушни ютиш коэффициенти ютилган товуш энергиясининг ашёга тушаётган умумий энергияга нисбати билан аниқланади. Товушни ютиш бирлиги сифатида 1 м² очиқ ойнадан ўтаётган товуш қабул қилинади. Товушни ютиш коэффициенти акустик трубкада аниқланади ва қуйидаги формула бўйича ҳисобланади:
α_т = Е_ют / Е_туш
бу ерда: Е_ют - ютилган товуш тўлқини; Е_туш - тушаётган товуш тўлқини.
Кимёвий чидамлилик. Ашёга кимёвий зарарли муҳит таъсир этганда рўй берадиган реакция жараёнига ва бузилишга каршилик кўрсатиши, унинг кимёвий хоссасини ифодалайди. Масалан, ашёларни туз, кислота ва ишкор эритмалари таъсирига чидамлилиги ва ҳ.к. Булардан ташкари, қурилиш ашёларининг биологик хоссалари, уларни замбуруғлар, микроорганизмлар, қурт-кумурска ва кўнғизлар таъсирига чидамлилигини ифодалайди.
Ашёларнинг кислоталар, ишкорлар ва газлар таъсирига каршилик кўрсатиш даражаси кимёвий чидамлилик деб аталади. Турли кимёвий реактивлар таъсирида ашёнинг бузилиши унинг емирилиши ёки коррозияланиши деб аталади.
Ашёларнинг узоққа чидамлилиги
Қурилиш ашёларининг узоққа чидамлилиги маълум иқлим шароитида ва берилган иш режимида, уларнинг меъёрий хоссаларини йўқотмасдан ишлатилиш муддати билан аниқланади. Узоққа чидамлилик ашёнинг физик, механик ва кимёвий хоссаларига боғлиқ. Ашёларнинг узоққа чидамлилигини баҳолаш уларнинг ишлатилиш шароитида кўп вақт давомида ўтказиладиган тажрибаларни талаб қилади. Бу кўрсаткични қисқа муддатда аниқлаш учун тажрибалар ҳақиқий иш шароитлари яратилган махсус иқлим камераларида ўтказилади.
Ашёларнинг технологик хоссалари
Ашёларнинг технологик хоссалари уларнинг шакли, ўлчами ва зичлигини ўзгартириш учун бажариладиган жараёнларда намоён бўлади.
Ёпишқоқлик - суюқликнинг бир қатламдан бошқасига ҳаракатланишида пайдо бўладиган ички ишқаланиш кучи билан тавсифланади. Унинг ўлчов бирлиги Па•с.Ёпишқоқликка тескари кўрсаткич (суюқликларда) оқувчанлик ва (коагуляцион, ёпишқоқ пластик тизимларда) ҳаракатланувчанлик дейилади.