Ўзбекистон республикаси қурилиш вазирлиги самарқанд давлат архитектура-қурилиш институти журакулов д. О

Назорат саволлари:
1. Ер эгаликлари тушинчасини айтинг?
2. Ер участкаларига бўлган ҳуқуқлар?
3. Ердан фойдаланувчилар тушунчаси?
4. Юридик ва жисмоний шахсларнинг ер участкасига бўлган ҳуқуқи қачон вужудга келади?
5. Ер участкаси ижараси деганда нима тушунилади?
6. Ер участкасига бўлган мулк ҳуқуқ эгаларининг хуқуқлари, мажбуриятларини кафолатловчи норматив-ҳуқуқий хужжатлар
7. Ер участкасига бўлган мулк ҳуқуқ эгаларининг хуқуқларини кафолатловчи норматив-ҳуқуқий хужжатлар
8. Сервитут ва уни расмийлаштириш тартиби?
9. Ер участкаларига бўлган мулкий, эгалик қилиш ва ижара ҳуқуқи тўғрисидаги ҳужжатларни давлат рўйхатидан ўтказиш мажбурияти?


4. ЕР УЧАСТКАСИГА БЎЛГАН ЧЕКЛАНИШ, ХИМОЯ ХУДУДИ ХАМДА ҲУҚУҚНИ ТАСДИҚЛОВЧИ ВА БЕЛГИЛОВЧИ ҲУЖЖАТЛАР
Режа(7-8- марузалар):
4.1. Ер участкасига бўлган чекланишни белгиловчи хуқуқий холатлар.
4. 2. Ер участкаси химоя худудини белгиловчи хуқуқий холатлар.
4.3. Ер участкасига булган ҳуқуқни тасдиқловчи ва белгиловчи ҳужжатлар.
4.4. Ер участкасига бўлган мулкий ҳуқуқ ва битимлар хамда уларни тасдиқловчи ҳужжатлар таҳлили.


Таянч иборалар: муддатли фойдаланиш, сервитут, ер участкасини сақлаш, ер участкасидан фойдаланиш, махаллий хокимият, суд қарори.


4.1. Ер участкасига бўлган чекланишни белгиловчи хуқуқий холатлар

Ер эгалари, ердан фойдаланувчилар, ер участкалари ижарачилари ва мулкдорлари ҳуқуқларининг чекланиши Ер кодексининг 42-моддасига биноан тартибга солинади.

Ер эгалари, ердан фойдаланувчилар, ер участкалари ижарачилари ва мулкдорларининг ҳуқуқлари давлат манфаатларини, атроф муҳитни муҳофаза қилиш, муҳандислик коммуникациялари қуриш ва улардан фойдаланиш манфаатларини, бошқа ер эгалари, ердан фойдаланувчилар, ер участкалари ижарачилари ва мулкдорларининг манфаатларини, шунингдек фуқаролар хавфсизлигини кўзлаб фақат қонунда назарда тутилган ҳолларда чекланиши мумкин.