Ўзбекистон республикаси “Ҳунарманд” уюшмаси ўзбекистон республикаси бандлик ва меҳнат муносабатлари вазирлиги

Тошкент каштачилик мактаби. Ўзбек анъанавий каштачилигининг ҳар бир етакчи мактаби ўзига хос хусусиятларга эга бўлиб, унинг ўзига хослиги композицияси, ранглар жилосида ва нақшларида акс этади. Тошкент мактаби Тошкент ва Пскент мактаблари анъаналарини ўзида мужассам этган. Ушбу мактаб сўзаналари тўлалигича кашталаниб чиқилади. 1980 йилларга келиб Тошкент мактабининг ойпалак, юлдузпалак, тоғорапалак каби намуналарини тикиш унутилиб, 2000 йиллар бошида Нурота, Бухоро ва Шаҳрисабз каштадўзлик мактаблари усулида тикиш авж олди. Тошкент сўзаналарининг ҳам фони, ҳам турли йўсиндаги нақшлари кашта билан қопланган бўлиб, уларни тайёрлаш устадан катта меҳнат ва сабр талаб этган. Мана шу машаққатли меҳнат эвасига XIX-ХХ Тошкент каштачилиги анъаналарини моҳир уста Мадина Қосимбоева қайта тиклади.
Мадина Қосимбоева – Тошкент каштачилик мактабининг изланувчан, истеъдодли ва таниқли вакили. Мукофоти ёзилади. У ўз фаолиятида асосан йўрма ва босма чок усулларидан фойдаланади. Чоклар Расми
Шу билан бирга маҳсулот сифати, нақшлар мажмуасининг теранлиги, чокларнинг пишиқлигига алоҳида эътибор қаратади. Уста жуда катта уста-шогирд мактабини яратди. Шогирдлари билан у пахта ва ипакдан тайёрланган адрас, бўз, шойи каби матолар ва юқори сифатли ипак толасидан фойдаланади. Санъат асари бўлган маҳсулотлари тикиладиган ипларни ўзи қўлда бўяйди. Жумладан, қизил рангни рўян илдизидан, яшил рангни ёнғоқ пўсти ва ўсмадан, сариқ рангни пиёз пўстидан, кўк рангни эса индигодан олади. Ранг яхши сингиши учун аччиқтош ва туз солинган сувда қайнатади.
Тошкент каштачилигида асосан офтоба, капалакгул, чорчироқ, аноргул, олмагул, чиннигул, гултожихўроз, тумор, гирдибарг, бодомгул, зулук каби нақш турларидан фойдаланилади. Ҳозирги кунда сўзаналар билан бир қаторда, кашта билан безалган либослар, чопонлар, пойабзал, сумка интерьер буюмлари ҳам тайёрланмоқда.
Маҳаллий ва хорижий кўргазмаларнинг доимий иштирокчиси. Шунингдек, шахсий кўргазмаларини ҳам намойиш этган. М.Қосимбоева ишлари Австралия, Буюк Британия, Германия, Ҳиндистон, АҚШ, Туркия, Франция, МДҲ мамлакатларида шахсий коллекциялардан жой олган. Юзлаб шогирдлар етиштирган.