Ўзбекистон республикаси “Ҳунарманд” уюшмаси ўзбекистон республикаси бандлик ва меҳнат муносабатлари вазирлиги

Бухоро каштачилик мактаби. Бухоро каштачили узоқ тарихга эга бўлиб, у асрлар давомида сайқалланиб келмоқда. Бухоро каштачилигида ўсимликсимон новдалар, бодом, анор ва турли гулдаста шакли туширилган нақшлар кўп учрайди. Ушбу нақшлар бахт, муҳаббат, яхшилик, тотувлик каби чуқур фалсафий маъноларни ўзида мужассам этади. Бу кашталарда думалоқ гуллар ингичка шохга тикилиб, сўзана атрофи бўйлаб гулли шохлар билан қуршалади. Кашталар кўпроқ йўрма чок билан тикилади. Кашта билан зеб берилган буюмларга бугунги кунда хорижлик сайёҳлар катта қизиқиш билдирмоқда.
Ўз услубига эга бухоролик каштадўзлар томонидан безак бериб ишланган сўзана, кирпеч, дорпеч, зардевор, палак ва дўппилар ҳар қандай кишини беихтиёр ўзига мафтун этади.
Зуҳро Облобердиева – Бухоро каштачилиги қадимий анъаналарини давом эттираётган таниқли ва моҳир каштадўз. “Дўстлик” ордени соҳиби. Уста каштадўзликнинг ўнлаб қадимий нусхаларини тиклаб, сақлаб қолинишида катта ҳисса қўшган ҳунарманд. Ҳайдаробод (Ҳиндистон)да табиий бўёқларни ишлаб чиқариш, уларни қандай ишлатиш сир-асрорларини ўрганиб, Шофиркон туманида ташкил қилган Каштачилик марказида шогирдларга ўргатмоқда. Юзлаб иқтидорли шогирдлар етиштирган.
Тўлдирилади
Расмлар
Аҳмад Арабов – бухоролик моҳир каштадўз. “Ўзбекистон Республикаси мустақиллигининг 20 йиллиги” кўкрак нишони соҳиби. Уста қадимий каштачилик усулларини қайта тиклаган. Йўрма, босма, милк мижжа чокларидан фойдаланган ҳолда анъанавий сўзана, ойнахалта, чопон, нимча, кирпеч, дорпеч, зардевор, палак, аёллар сумкаси яратади. Маҳсулотлари маҳаллий ва хорижий катта қизиқиш уйғотиб, уларни Америка, Туркия, Франция, Россия каби мамлакатларга экспорт қилмоқда. Ҳозирги кунда Бухоро шаҳрида Каштачилик маркази ва уста-шогирд мактаби барпо этмоқда.
Унинг айниқса, “Ноқай” ва “Шаҳрисабз” номли сўзаналари машҳур. Ижодий фаолияти давомида кўплаб турли ҳажмдаги сўзана ва миниатюралар, ёстиқ жилдлари, миллий либослар, паннолар каби каштачилик маҳсулотлари яратган. Қозоғистон, Франция, Германия, АҚШ, Италия, Исроил, Туркия, Япония ва Хитой давлатларида ташкил этилган халқаро кўргазмалар иштирокчиси ва совриндори. Юзлаб иқтидорли шогирдлар етиштирган.
Тўлдирилади
расмлар