Ўзбекистон республикаси “Ҳунарманд” уюшмаси ўзбекистон республикаси бандлик ва меҳнат муносабатлари вазирлиги

Чой халта – пахта толасидан тўқилган матога ипак ип билан йўрма, илмоқ чокда тикилади.
Кашталарни тикишда турли чамбараклардан фойдаланилади. Чамбарак асосан ёғочдан ясалиб, доира, квадрат, тўғри тўртбурчак шаклида бўлади. Аммо ҳамма кашталарда ҳам чамбарак ишлатилмайди. Кичик кашталарга доира чамбарак ишлатилади, чунки у қулайдир.

КАШТА ТИКИШ ТЕХНОЛОГИЯСИ
Кашта тикиш ранг билан боғлиқ бўлиб, ипларни танлашда ранглар уйғйнлашувини ҳисобга олиш катта аҳамият касб этади. Ранг танлашда унинг буюмнинг шаклини ёки катта-кичиклигини ўзгартириб кўрсатиши мумкинлигини ҳам ёдда сақлаш зарур. Қизил ва кўк доғлар билан қопланган юзага қаралса, бунда қизил доғлар кўк доғларга нисбатан яқинроқ бўлиб кўриниши мумкин. Оч ва илиқ ранглар тўқ ва совуқ рангларга қараганда яқинроқ кўринади. Оч ранглар буюмни каттароқ ҳажмда, тўқ ранглар кичикроқ ҳажмда кўрсатади. Рангларнинг бу хусусиятидан кийимнинг айрим бўлакларини бўрттириброқ, туртиб турган жойларини силлиқроқ қилиб кўрсатишда фойдаланса бўлади. Узоқдан кўринадиган буюмлар каштасини тўқ рангдаги иплар билан тикилади. Кашта тикиш учун ипларни танлаш, улар рангини хиллаш буюмнинг нимага мўлжалланганига, гулнинг катталиги ва қандай жойланишига боғлиқ бўлади.
Одатда, кашта гулига асосий ўрин берилиб, газлама рангига қўшимча ўрин берилади. Шунинг учун газлама ранги нақш рангидан очиқ бўлиб ажралиб турмаслиги керак. Кашта гулининг рангини танлашни бажариш санама чок, текис чок кабиларга ҳам боғлиқ бўлади.
Қўлда кашта тикишнинг икки тури мавжуд.
Биринчиси, матонинг арқоқ ҳамда ўрим ипларини санаб кашта тикиш. Бу кашта арқоқ ўрим иплари кесиштириб тикилган полотно ёки бўз шаклида тўқилган матоларга тикилади. Бунинг сабаби кашта тикишда мато ипларини санаб тикишга қулайдир. Санама кашта тури Ўзбекистонда кенг тарқалган.
Иккинчиси, матога гул тасвири контурини чизиб, эркин кашта тикиш. Эркин кашта мато танламайди, матога андоза ёрдамида туширилган гул, тасвир, нақш асосида туширилган тасвир асосида тикилади.