Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Т.р.	Мазмуни
Балл
1	Ўқувчи берилган мавзуни тушуниб шу асосда мустақил ижодий фикрлаб, оғзаки ҳикоя туза олса	1
2	Фикрлари мантиқли ва асосли бўлса	1
3	Ўринли мисоллар келтирса	1
4	Шеърий асарни ёддан ифодали айтса	2
5	Матн мазмунини ҳар икки тилда тушунтира олса	1
6	Қўшимча саволларга тўлиқ ва аниқ жавоб берса	2
7	Фикрини изчиллик билан мантиқий баён қилса	1
8	Жумлаларни равон тузса, сўзларни тўғри талаффуз қилса	1
	Жами:	10 балл

Барча босқичларда умумий кўрсаткич 100 бални ташкил қилади.

ТАРИХ

Тарих фанидан олимпиаданинг биринчи, икинчи ва учинчи босқичи умумий ўрта таълим мактабларининг 9-синфларда ўтказилади.

Олимпиаданинг биринчи босқичи 1 турда (тест синовлари), иккинчи, учинчи босқичи 2 турда (ёзма иш, тест синовлари) ўтказилади.
Ёзма иш
Олимпиаданинг иккинчи (туман) ва учинчи (вилоят), босқичларида ёзма иш топшириқлари 3 та саволдан иборат бўлади.
Ёзма иш учун 3 соат (180 дақиқа) вақт берилади. Максимал 50 балл.
Саволлар танланаётганда қуйида берилган баҳолаш мезонига эътиборни қаратиш тавсия қилинади.