Ўзбекистон республикаси ташқи ишлар вазирлиги

Ushbu asoslar bo’yicha jazodan ozod qilingan shaxsga - sud tibbiy yo’sindagi majburlov choralarini qo’llashi mumkin.

Bunday shaxslar tuzalganlaridan keyin esa – sodir etgan jinoyatlari uchun tayinlangan jazo turining ijro etish muddatlari o’tib ketmagan bo’lsa, jazoning to’liq yoki o’talmay qolgan qismi ijro etiladi. Ushbu holatda jazoni ijro etish muddatlari jazoning o’talmay qolgan qismidan emas, balki sud hukmi bilan tayinlangan jazoning butun muddatidan kelib chiqib hisoblanadi va jazoni ijro etish muddatlari tibbiy yo’sindagi majburlov choralari qo’llanilgan kundan boshlab hisoblanadi.

Intizomiy qismga jo’natish yoxud xizmat bo’yicha cheklash jazosiga hukm qilingan harbiy xizmatchilar, ularning sog`lig`i harbiy xizmat uchun yaroqsiz deb topilgan bo’lsa:

- ular jazoni o’tashdan ozod qilinadilar;

- harbiy xizmatdan ham ozod qilinadilar.

Xizmat bo’yicha cheklash jazosiga hukm qilingan harbiy xizmatchi ayollarga esa - ular homiladorlik va tug`ish ta’tili berilishi munosabati bilan ham jazoni o’tashdan ozod qilinishlari mumkin.

Axloq tuzatish ishlariga hukm qilingan shaxslar jazoni o’tash vaqtida:

- mehnatga yaroqsiz bo’lib qolsalar;

- yohud pensiya yoshiga etgan bo’lsalar;

- shuningdek ayollar bu turdagi jazoni o’tayotgan vaqtda homiladorlik va tug`ish ta’tiliga chiqsalar, jazoni o’tashdan ozod qilinadilar.