Ўзбекистон республикаси ташқи ишлар вазирлиги

Ozodlikdan mahrum qilish tariqasidagi jazoning o’talmagan qismi axloq tuzatish ishlari bilan almashtirilganda - axloq tuzatish ishlari ozodlikdan mahrum qilish jazosining o’talmagan qismi muddatiga tayinlanadi va almashtirilgan axloq tuzatish ishlari jazosi uch yildan ortiq bo’lishi ham mumkin.

Jazosi engilroq turdagi jazo turi bilan almashtirilgan mahkumlar jazoning tegishli qismini o’tab bo’lganlaridan keyin jazoni o’tashdan muddatidan ilgari shartli ozod qilish qoidalariga binoan jazodan muddatidan ilgari ozod qilinishlari mumkin.

Jazosi engilroq jazo bilan almashtirilgan shaxs jazoning o’talmagan qismi mobaynida qasddan yangi jinoyat sodir etsa - sud unga JKning 60-moddasida nazarda tutilgan qoidalarga muvofiq almashtirilgan jazo turini yangi sodir etilgan jinoyat uchun tayinlangan jazo turiga qo’shib, bir necha hukm yuzasidan jazo tayinlaydi.
16.8. Kasallik yoki mehnat qobiliyatini yo’qotishi oqibatida jazodan ozod qilish.

Shaxs hukm chiqarilganidan keyin o’z harakatlarining ahamiyatini anglay olmaydigan va boshqara olmaydigan darajada ruhiy kasallikka, shuningdek jazoni o’tashga to’sqinlik qiladigan boshqacha og`ir kasallikka chalinib qolsa, jazoni o’tashdan ozod qilinishi lozim.

Ushbu qoida bo’yicha shaxsni jazodan ozod qilish asosi:

- shaxs jinoyat sodir etganlikda aybdor deb topish to’g`risidagi sud hukmining qonuniy kuchga kirganligi;

- shaxs o’z harakatlarining ahamiyatini anglay olmaydigan va boshqara olmaydigan darajada ruhiy kasallikka chalinib qolganligi (aqli narosolik holatdaligi);

- jazoni o’tashga to’sqinlik qiladigan boshqacha og`ir kasallikka chalinib qolganligi.