Ўзбекистон республикаси ташқи ишлар вазирлиги

Harakatsizlik esa - shaxsning nofaol xulq atvori bo’lib, shaxs o’ziga qonun yoki boshqa qonun osti normativ hujjatlari asosida yuklatilgan vazifalarni bajarmaslikda ifodalanadigan passiv xulq atvori tushuniladi.

Harakatsizlik orqali sodir qilingan qilmish uchun jinoiy javobgarlik - shaxs o’zi bajarishi shart bo’lgan vazifalarini real ikoniyati bo’la turib bajarmasa va shuning natijasida jinoyat qonuni bilan qo’riqlanadigan obyektlarga zarar etkazilgandagina kelib chiqadi.

Harakatsizlik orqali sodir etilgan jinoyatlarda oqibat kelib chiqmasa shaxsni jinoiy javobgarlikka tortib bo’lmaydi.

Harakatsizlik natijasida jinoiy javobgarlik kelib chiqish shartlari

- shaxsga qonun yoki boshqa normativ hujjatlar bilan majburiyatlarning yuklatilganligi; - ushbu majburiyatlarni bajarish uchun real imkoniyatlarining mavjudligi; - shaxs o’z majburiyatini bajarmasligi oqibatida jinoyat qonuni bilan qo’riqlanadigan obyektlarga zarar etkazilganligi.

Shaxsga yuklatilgan majburiyatlarning kelib chiqishining huquqiy asosini quyidagilar tashkil qiladi:

- qonun yoki qonun osti normativ hujjatlar;

- xizmat vazifasi yoki kasbiy majburiyati;

- qarindoshlik munosabatlari;

- shaxsning ijtimoiy xavfli oqibat kelib chiqqunga qadar bo’lgan xulq atvori natijasida shaxsga ma’lum bir majburiyatlarning yuklatilishi. Ya’ni shaxsning o’zi jabrlanuvchini xavfli ahvolga solib qo’yganligi.
6.3. Ijtimoiy xavfli oqibat jinoyat obyektiv tomonining zaruriy belgisi sifatida.