Ўзбекистон республикаси ташқи ишлар вазирлиги

6.5. Jinoyat obyektiv tomonining fakultativ belgilari.

Jinoyat sodir qilish joyi, vaqti, holati, usuli, quroli va vositasi jinoyat obyektiv tomoni fakultativ belgilarini tashkil etadi.

Jinoyat sodir etilgan joy - bu jinoyat sodir qilingan va tamomlangan ma’lum chegaralangan hudud, joy, geografik nuqta hisoblanadi.

Jinoyat sodir qilish vaqti – jinoyat sodir etilgan aniq paytni ifodalaydigan belgilar majmui.

Jinoyat sodir qilish usuli - bu jinoyat sodir qilinayotganda aybdor tomonidan jinoyatni sodir qilishda ishlatiladigan aniq usul va uslublar birligidir.

Jinoyat sodir qilish quroli – shaxs jinoyat predmetiga yoki shaxsga bevosita ta’sir ko’rsatish uchun foydalangan moddiy ashyo. Ya’ni aybdor jinoyat qonuni bilan qo’riqlanadigan obyektga zarar etkazish maqsadida foydalangan moddiy ashyo tushuniladi.

Jinoyat sodir qilish vositasi esa – shaxs jinoyat sodir qilishni yoki jinoyat izlarni yo’qotishni osonlashtirish uchun ishlatadigan tashqi dunyo ne’mati.

Odatda, jinoyat sodir qilish vositasi bilan jinoyat obyektiga to’g`ridan-to’g`ri zarar etkazilmaydi va ushbu belgi jinoyat sodir qilish vositasini jinoyat sodir qilish qurolidan farqlovchi asosiy xususiyat hisoblanadi.

Jinoyat obyektiv tomoni fakultativ belgilari muayyan jinoyat tarkibining zaruriy va zaruriy bo’lmagan belgilari bo’lishi mumkin.

Agarda JK Maxsus qism moddasi dispozistiyasida ushbu belgilar to’g`ridan-to’g`ri ko’rsatilgan bo’lsa, ular zaruriy belgi sifatida e’tirof etiladi. Fakultativ belgi jinoyatning zaruriy belgisi hisoblanmaganda esa, jinoyatni kvalifikastiyasiga ta’sir etmasada, jazo tayinlanashda javobgarlikni og`irlashtiruvchi yoki engilashtiruvchi holat sifatida hisobga olinishi mumkin.