Sinf rahbarligi yuklatilganligi 2020-2021- o’quv yilida menga 4-“A” sinf

Sinf rahbarligi yuklatilganligi
2020-2021- o’quv yilida menga 4-“A” sinf rahbarligi yuklatildi.
Ushbu sinfda 26 nafar o’quvchi bo’lib shundan 10 nafari qizlardir.
Sinfimda IIB profilaktika ro’yxatida turadigan, maktab ichki ro’yxatida turadigan o’quvchilar yo’q. Sinfdagi o’quvchilar oilasining ijtimoiy ahvoli haqida to’liq ma’lumotga egaman.
Sinfda kam ta’minlangan oila farzandlari,to’liq bo’lmagan oila farzandlari, yetim va ota onalikdan mahrum etilganlar oila farzandlari yo’q.
Yil davomida sinf o’quvchilari bilan turli tarbiyaviy suhbatlar, ma’naviyat soatlari, sinf yig’ilishlari,ota-onalar yig’ilishlari, turli tadbir va kechalar tashkil qildim. Ta’lim va tarbiyani bir biri bilan uzviy bog’lagan holda ota –onalar bilan yig’ilishlar, suhbatlar olib bordim.
Sinfning yillik davomati:jami qoldirilgan darslar: 101 soat 98 %
Uzrsiz qoldirilgan darslar:71 soat
Sinfning umumiy o’zlashtirishi: 100%
Bilim sifat: 90%

Sinfdan tashqari ishlar
Men o’zimga berkitilgan 4-“A” sinf o’quvchilari bilan yil davomida bir qancha sinfadan tashqari tadbirlar, bellashuvlar tashkil qildim. Jumladan maktab boshlang’ich sinflar bo’yicha direktor o’rinbosari bilan hamkorlikda 4-sinflar o’rtasida “Konstitutsiya bilimdonlari”, yana tabiatshunoslik fani o’qituvchisi bilan hamkorlikda 4-sinflar o’rtasida “ T abiat bizniki, uni asraylik” nomli bellashuvlar o’tkazdik. Bu bellashuvlarda sinf o’quvchilarim faxrli 1- o’rinlarni egallashdi.
Bundan tashqari o’quvchilarning dunyoqarashini kengaytirish,ularni STEAM fanlari turkumiga kiruvchi matematikaga qiziqtirish maqsadida iqtidorli va bo’sh o’zlashtiruvchi o’quvchilar bilan to’garak mashg’ulotlarini muntazam olib bordim.
Mashg’ulotlar davomida matematika fanini o’yin tariqasida tushuntirishga e’tibor qaratdim. Ayniqs bo’sh o’zlashtiruvchi o’quvchilar bilan mavzularni ko’rgazmalilik,didaktik o’yinlar bilan o’rgatishga harakat qildim.
Iqtidorli o’quvchilar bilan”Yosh matematiklar bellashuvi” ochiq to’garak mashg’ulotini tashkil etdim. Bu mashg’ulotni innovatsion texnologiyalarni qo’llagan holda, o’quvchilarni erkin fikrlashga, mustaqi fikr yuritishga, hozirgi davr talabiga mos tanqidiy va mantiqiy fikrlashga doir topshiriqlar asosida guruhlar aro bellashuv tariqasida olib bordim. Mashg’ulot o’quvchilar hamda o’qituvchilar uchun metodik yangiliklarga boy bo’lib ularga katta taassurot qoldirdi.