Ўзбекистон республикаси таълими маркази

Тўпни дарвозага отиш
Юқоридан, ён томондан, пастдан қўлни буккан ҳолда, турган жойда ва югуриб келиш билан ҳаракатда сакраб, таянч ҳолатда, йиқилиш билан тўпни отиш, дарвозадаги резина ёки платка устидан сакраб, чапга ва ўнгга қийшайиш билан, ҳимоячига қаршилик кўрсатиш, баланд территорияда ҳар хил холатдан, дарвозабон устидан ошириб отиш, ҳар-хил ҳолатдан (ўнг қанот, марказий, чап қанотдан, 7 метрли жарима тўпини отиш.)
Финтлар
(Чалғитишлар). Унга қарамасдан туриб, шеригига тўп узатиш. Бир томонга ҳаракат қилиб, тўпни бошқа томонга узатиш. Тўп билан ва тўпсиз бир ва бошқа томонга бир қадам ва икки қадам ташлаш билан чалғитувчи ҳаракатни такомиллаштириш. Алдамчи силкиш билан айланиб ўтиб дарвозага отиш. Четга чиқиб ҳаракат қилиш ёрдамида тўсиқ қўйишни қўллаш. Югуриш йўналишини ва меъёрини ўзгартириб, рақибини алдаб ўтиш.
Тўсиқ қўйиш
Тўпни эгаллаб олган рақиб учун тўсиқ қўйиш. Олд ва ён томондан қўйиладиган тўсиқлар. Тўпсиз ва тўп билан ҳаракат қилаётган ўйинчига тўсиқ қўйиш. Дарвозага отиш вақтида рақиби учун тўсиқ қўйиш.
Дарвозабон ўйин техникаси
Ҳар-хил жойдан отилган тўпни ушлаб олиш. Майдон юзасидан сапчиб, қайтиб учиб келаётган тўпни ушлаш. Қўл, оёқ, гавда йиқилиш вақтида думалаш, сакраб йиқилиш билан тўпни ушлашни ўргатиш ва такомиллаштириш, сакраб дарвозанинг устидан ва тўсиқнинг устидан йиқилиш билан тўпни уриб қайтариш. Қарши ҳужум уюштириш учун тўпни бир қўлда ташлаш.


Гандбол ўйини тактикаси
Ҳужумда ва ҳимоядаги ўйин ҳаракатларининг характеристикаси. Бир томонлама ва икки томонлама ўтказилган ўқув машқ ўйинининг таҳлили. Мусобақадан кейин ўйинни таҳлил қилиш, ўйинга кўрсатма бериш, рақибнинг тактик режасини ўрганиш.
Амалий машғулот
Олдин ўрганилган ўйин тактикасининг асосий усулларини кейинчалик такомиллаштириш. Шахсий ва зонали ҳимояни такомиллаштириш. Шахсий ҳимоядан зонали ҳимояга ўтишни билиш ва уни текшириш. Ҳужумда ўйинчининг тўпни отишига тўсиқ қўйиш ёрдами билан ташкил этиладиган ҳимоядаги қарши ҳужум.
Тез ёриб ўтиш билан хужумни такомиллаштириш. Дарвозабоннг майдонча ташқарисига чиқиши, жойни танлаш, рақибни тез ёриб ўтишда дарвозабоннинг ҳаракати. Ҳимояда ҳимоя ўйинчиларини, дарвозабонни, ўйинини бошқариш. Бир ва икки томонлама ўқув машғулот ўйинида ҳимоя ва ҳужумдаги тактик ҳаракатини такомиллаштириш. Кейинчалик алоҳида звено ва жамоалар ўйинида уйғунликка эришмоқ.