Ўзбекистон республикаси таълими маркази

УМУМТАЪЛИМ МАКТАБЛАРИДА CПОРТНИНГ
ҚЎЛ ТЎПИ ТУРИ БЎЙИЧА ТЎГАРАК МАШҒУЛОТЛАРИНИ ТАШКИЛ ЭТИШ

Сўз боши
Юртбошимиз Ислом Каримов мустақиллигимизнинг илк йиллариданоқ соғлом авлод тарбиясини энг устувор вазифа деб белгилади ва баркамол авлодни тарбиялаш масаласига катта эътибор қаратиб, “Буюк давлатни фақат соғлом миллат, соғлом авлодгина қура олади”- деб таъкидлайдилар.
Ана шу мақсадда истиқлолнинг дастлабки йилидаёқ “Соғлом авлод учун” халқаро хайрия жамғармаси ташкил этилди, оналар ва болалар саломатлигини мустаҳкамлаш, соғлом бола, соғлом насл учун кураш йўлида салмоқли қадамлар қўйилди.
Биринчи давлат мукофотининг “Соғлом авлод учун” ордени деб аталгани - бу борадаги интилишлар қанчалик қатъий ва узоқ мақсадларнинг кўзлаганидан далолат беради.
Муҳими шундаки, Давлатимиз раҳбари мамлакатимизда жисмоний тарбия ва спортни ривожлантириш нафақат болалар ва ўсмирларни, балки бутун халқни оммавий спорт ҳаракатига жалб қила оладиган, ўзига хос самарали тизимни шакллантириш, соғлом ва баркамол авлодни вояга етказиш ишларининг узвий ва ажралмас қисми деб билди. Бу соҳадаги тадбирларни ўзаро уйғун ва муштарак тарзда ташкил этиш таклифини берди.
Бугунги кунда юртимизда жисмоний-тарбия ва спортнинг таълимдан ташқари тизими ҳам тобора ривожланмоқда.
Бу ўқув масканлари ва маҳаллалар қошида турли спорт тўгараклари фаолиятларининг йўлга қўйилиши, спорт майдончалари ва мажмуаларининг барпо этилишида яққол намоён бўлмоқда. Буларнинг барчаси юртимиздаги ёшларнинг спорт билан шуғулланиши, уларнинг жисмонан бақувват бўлишлари, шу тариқа соғлом турмуш тарзини ўз ҳаётларининг маъно-мазмунига айланишида ўз аксини топаётганидан дарак беради.
Зеро, спорт инсоннинг интеллектуал камолотга етишида ҳам муҳим аҳамиятга эгадир. Спорт билан мунтазам шуғулланувчининг жисмигина эмас, фикру-хаёли, тафаккури ҳам янгиланади.
Шунинг учун умумтаълим мактабларида ўқувчиларни фақат дарс жараёнидагина эмас, дарсдан ташқари вақтларда ҳам спорт билан шуғулланишга жалб қилишимиз лозим. Бунинг учун ўқувчиларнинг қизиқишлари ва эҳтиёжлари асосида турли хил спорт секцияларини ташкил этиш мақсадага мувофиқдир.

1.