Ўзбекистон республикаси таълими маркази

Инструкторлик амалиёти
Айрим топшириқ ва вазифаларни бажариш, машғулотни мустақил равишда ўтказиш. Саф буйруқларини беришни билиш, алоҳида машқларни, ҳаракат ва усулларни кўрсатиш ҳамда тушунтириш, дарснинг асосий ва якуний қисмида, разменка учун машқ танлаш, қисқача назарий суҳбат ўтказиш.
Ўйинга кўрсатма бериш
Учрашув олдидаги вазифа. Рақиб хақидаги асосий маълумотлар. Рақиб ўйинчиларига таъриф бериш ва уларни харакати. (жисмоний сифати, техника ва техникаси). Рақибни техника ва тактикасини тахлил қилиш. Ўйинда ўйнайдиган ўзини командасини тартибини аниқлаш. Бўлажак ўйинга техник режа тузиш ва ўзининг имкониятларини хамда рақиб кучларини хисобга олиш билан кўрсатма бериш. Ўйинни тактик режасида мўлжалланган ўзгаришлар. Командани звеноларига айрим ўйинчиларга топшириқ бериш. Ўйинда сардорнинг роли.
Ўтган ўйинни таҳлил қилиш
Ўйин режасини бажариш. Команда ўйинининг тўлиқ ва айрим ўйинчиларнинг ҳамда звеноларнинг ижобий ва салбий томонлари. Хатонинг сабаблари. Ўйин қатнашчиларининг ахлоқий-иродавий сифати.
Умумий махсус жисмоний тайёргарлик
Буюмлар билан ва буюмларсиз бажариладиган умумий ривожлантирувчи машқлар. Оёқ, гавда, елка камари, қўл мушаклари учун машқлар танлаш. Турган жойида, юриш ва югуриш вақтида, ўтирганда, ётганда, олдинга ҳамла қилган ҳолда ҳар-хил машқларни узлуксиз методида бажариш. Турникда, нарвонда тортилиш. Оёқ, қўлда силжиш машқларини бажариш. Энгашишлар, айланишлар, гавдани буришлар. Қаршилик кўрсатиш, арқон тортиш билан бажариладиган машқлар. Ҳар-хил оғирликларни кўтариш. Тўлдирма тўп билан бажариладиган(ўғил болалар 3-4 кг, қиз болалар 1-2кг) машқлар. Куч бўшаштиришга оид жуфт-жуфт бўлиб бажариладиган машқлар.
Акробатика элементлари
Олдинга, ёнга, орқага ўмбалоқ ошиш, ён томонга тўнтарилиш, планка устидан ошиб умбалоқ ошиш. (ўғил болалар учун), қўлда тик турган ҳолда олдинга умбалоқ ошиш (ўғил болалар учун).
Тўп билан ва тўпсиз бажариладиган тайёрлов ва ҳаракатли ўйинлар (кичик ва ўсмир гурух материалларини такрорлаш). Сувнинг паст жойида копток билан ўйнаш. Тўпни узатиш ва илиб олиш, олиб юриш, дарвозага отиш, ҳар- хил усулларда силжитиш билан эстафеталар.