Ўзбекистон Республикаси Соғлиқни

4. Фоторецепторларнинг ядро сақлайдиган қисми тўр парданинг ташқи ядроли қаватини ҳосил қилади. Таёқчалар (110-125 млн) ва колбачалар (6-7 млн) танасидан аксонлар чиқиб, биполяр нейронларнинг дендрити ва горизонтал нейронларнинг ўсимталари билан синапслар ҳосил қилади. Фоторецепторлар ўсимталари биполяр ва горизонтал нейронлар билан ўзаро боғланиб тўр парданинг ташқи тўрсимон қаватини (5) ҳосил қилади.
6. Ички ядроли қаватда: а) таёқча ва колбачаларни горизонтал ҳужайралар билан боғлаб турадиган биполяр нейронлар; б) горизонтал нейронлар; в) амакрин ва г) глиал ҳужайраларнинг танаси жойлашади.
Горизонтал ҳужайралар биполяр нейронларнинг устида 1-2 қатор бўлиб жойлашган. Улар таёқча ва колбачаларининг аксонлари билан контактда бўлади.
Биполяр ҳужайраларнинг таёқча ва колбачалар билан муносабати турлича: таёқчаларнинг 15-20 та аксонлари биполяр нейронлар дендрити билан конвергенция бўлиши мумкин. Биполяр аксон бир қанча тип амакрин ҳужайралар билан конвергенция бўлиши мумкин. Конвергенция ва дивергенция алоҳида квант нурларга сезгирликни оширади. Колбачалар биполяр нейронлар орқали ганглиоз нейронларни конвергенция қилиши (нотўғри йўл ) ёки тўғридан тўғри ганглиоз ҳужайраларни конвергенция қилиши мумкин ( тўғри йўл ).
Амакрин ҳужайралар биполярлар танаси орасида жойлашиб, биполярларнинг ганглионар ҳужайралар билан интеграциясини, модуляциясини ва сигналлар қўшилишини вужудга келтиради.
7. Ички тўрсимон қават – бу биполяр нейронлар аксони билан ганглионар ҳужайралар дендритларнинг синаптик боғланиши соҳасидир.
8. Ганглионар қават – бу ерда тўр парданинг энг йирик нейрони - ганглионар ҳужайралар жойлашади. Улар тўр парданинг ҳамма қаватидан келадиган электр импульсларни (информацияларни) ҳам вертикал (фоторецепторлар – биполярлар – ганглионар ҳужайралар) ҳам латерал (фоторецепторлар – ганглионар ҳужайралар) йўллар билан йиғади.
9. Нерв толалари қавати – ганглионар ҳужайралар аксонлари ҳисобига ҳосил бўлади. Миллиондан ортиқ миелинсиз толалар тўр пардадан чиқиб, кўрув нервига ўтади. Кўрув нервида эса миелин парда бўлади.