Ўзбекистон республикаси соғЛИҚни сақлаш вазирлиги тошкент тиббиёт академияси биоорганик ва биологик кимё кафедраси

5.3.Гормонларнинг кимёвий тузилиши, биологик функциялари ва таъсир этиш механизми бўйича таснифи
Гормонлар - ички секреция безларининг махсус хужайраларида ҳосил бўлгандан сўнг, қонга ўтиб, моддалар алмашинуви ва физиологик функцияларга регулятор (бошқарувчи) таъсир кўрсатувчи органик табиатли моддалардир.
Кимёвий табиатига кўра гормонлар уч гуруҳга бўлинади:
1. Пептид (оқсил) табиатли гормонлар.
а) мураккаб оқсиллар - гликопротеинлар; буларга ФСГ, лютеинловчи гормон, ТТГ ва бошқалар;
б) оддий оқсиллар: пролактин, СТГ, инсулин ва бошқалар киради;
в) пептидлар: АКТГ, глюкагон, кальцийтонин, соматостатин, вазопрессин, окситоцин ва бошқалар киради;
2. Аминокислоталар унумлари: катехоламинлар, тиреоид гормонлар, мелатонин ва бошқалар киради;
3. Стероид бирикмалар ва ёғ кислоталар унумлари (простагландинлар).
А) Стероидлар гормонлар моддаларнинг катта гуруҳини ташкил қилади; уларга буйрак усти безлари гормонлари (кортикостероидлар), жинсий гормонлар (андрогенлар ва эстрогенлар), 1,25 - диоксихолекальциферол ва бошқалар киради.
Б) Эйкозаноидлар – кўп тўйинмаган ёғ кислоталар (арахидонат) унумлари бўлиб, уч синф бирикмаларни ўз ичига олади: простагландин, тромбоксан ва лейкотриенлар. Улар сувда эримайдиган ностабил бирикмалар бўлиб, ўз таъсирини синтезланган жойи яқинидаги хужайраларга кўрсатади.

Оқсил табиатли гормонлар	Стероид гормонлар	Аминокислота хосилалари
Адренокортикотроп гормон (кортикотропин, АКТГ)	Альдостерон	Адреналин
Ўсиш гормони (соматотропин, СТГ)	Кортизол	Норадреналин
Тиреотроп гормон (тиреотропин, ТТГ)	Тестостерон	Трийодтиронин (Т3)
Лактоген гормони (пролактин, ЛТГ)	Эстрадиол	Тироксин (Т4)
Лютеинловчи гормон (люпотропин, ЛГ)	Прогестерон
Фолликулостиммулловчи гормон (ФСГ)
Меланоцитстимуллавчи гормон (МСГ)
Хорионик гонадотропин (ХГ)
Антидиуретик гормон (АДГ, вазопрессин)
Окситоцин
Паратиреоид гормон (паратгормон, ПТГ)
Кальцитонин
Инсулин
Глюкогон