Ўзбекистон республикаси соғЛИҚни сақлаш вазирлиги тошкент тиббиёт академияси

Кислородни ишлатиш коэффициенти – бир литр кирган ҳаводан ютилган кислород миқдори. Нормада 30-50 мл. КИК нинг тушиб кетиши ўпканинг вентиляцияси, диффузия жараёнлари ва ўпкада қон айланиши бузилганлигидан далолат беради.

5.4. Пневмотахометрия усули
Пневмотахометрия – кучайтирилган нафас олиш ва нафас чиқарилишининг энг юқори даражадаги ҳаво оқимини аниқловчи усул. Бу усул бронхиал ўтказувчанлик фаолиятини текширади, бронх дарахтининг кесишган жойидан қанча ҳаво ўтканлигини аниқлашда ишлатилади. Эркакларда бу кўрсаткич бир дақиқада 6-8 литр, аёлларда эса минутига 4-6 литрни ташкил этади. Соғлом одамда нафас олиш нафас чиқаришга қараганда устунроқ туради. Бу кўрсаткичнинг пасайиши бронхиал ўтказувчанликни пайдо бўлганини кўрсатади. Пневмотахометрия кўрсаткичининг 85% га тушиб кетиши натижасида бронхиал ўтказувчанлик бузилганлиши келиб чиқади. Обструктив жараёнларда бу кўрсаткичлар сезиларли тушиб кетади (бронхоспазм, майда бронхларнинг, трахеа коллапси, бронхларда патологик моддаларнинг йиғилиб қолиши ).


5.5 Оксигемометрия усули
Оксигемометрия – қоннинг кислород балан тўйнишини аниқлаш, оксигемометр 0-36 ва 0-56 асбоби ёрдамида аниқланади. Бу аппаратнинг ишлаш принципи қонсиз фотоэлектрик калориметр усулига асосланган, бу усул қоннинг оксигенациясини кузатишда яъни қайтарилган ва оксидланган кислород ёрдамида гемоглабиннинг спектрал ҳусусиятини аниқлашда ёрдам беради. Нафас олиш фаолиятини махсус асбоб шкаласи ёрдамида аввал ҳаво билан кейин тоза кислород билан аниқланади, бу кўрсаткичнинг сезиларли даражада кўпайиб кетиши қоннинг кислород билан тўйинмаганлигидан далолат беради.


5.6 Ташқи нафас олишнинг функционал кўрсаткичларини тўғри таҳлил қилиш.
Бизнинг клиникада ФДВ ни текшириш учун “ Custo Vit ’’( Германия ) аппаратидан фойдаланади. Аппаратга бир қанча кўрсаткичлар киритилади
( бўйи, вазни, жинси, ёши, хонанинг ҳарорати, намлиги ва атмосфера босими). Уч марта текшириш олиб борилганидан кейин экранда оптимал спирограмма белгиланади. Керакли пайтда спирограммани принтер орқали чиқариб олиш мумкин.
ФДВ нинг ҳамма кўрсаткичларини қуйдаги подгруппага бўлиш мумкин:
-Ўпка сиғимлари ( ЎТС, НС, РС но, РС нч )
-Ўпка вентиляцияси ( НЧ, НР )
-Бронхиал ўтказувчанлик (ЎКТС, Тиффно пробаси, ЎМВ, пневмотахометрия).
Шу кўрсаткичларни текшириб вентиляциянинг ( нафас олиш системасининг етишмовчилиги ) қайси типи эканлигини билиш мумкин : обструктив, рестректив ва аралаш.