Ўзбекистон республикаси соғЛИҚни сақлаш вазирлиги тошкент фармацевтика институти

Юқори самарали хроматографияси уни дори
воситаларини тахлилида қўлланилиши.
Маъруза вақти 4 соат
Ўқитиш мақсади: Талабаларни юқори самарали хроматография усулини ахамияти ва дори воситаларини тахлилида қўлланилишини ўзига хослиги билан таништириш.
Маъруза режаси:
1.Юқори самарали хроматографик усулни асосий принциплар
2. Юқори самарали хроматографик усулни назарий асослари
3. Юқори самарали хроматографик усулда қўлланиладиган қўзғалмас ва қўзғалувчан фазалар.
4. Сифат тахлил усуллари
5. Миқдорий тахлил усуллари
Адабиётлар:
1. ДФ –Х,ХI , 1968,1990 й
2. 2.Ибодов А.Ю. Фармацевтик кимё, Т 1996 й
3. Энгельгард Х Жидкостная хроматография при вўсоких давлениях . М. Мир, 1980, с.245
4. Бабилев Ф.В., Тряпицына Т.П. Газожидкостная хроматография в фармацевтическом анализе, Кишинев “ШТИИНЦА” 1978, с.135
5. Айвазов Б.В. Введение в хроматографию М. “Вўсшая школа”, 1983, с 240
ЮССК усули
Хрорматографик усулларнинг ривожланиши жараёнида уларнинг назарий ва амалий қўлланиш шароитларини такомиллаштириш натижасида янги юқори самарали суюқлик хроматография усулини кириб келишига сабаб бўлди.
Агарда 1950 ва 1960 йилларда хроматографик усуллардан юпқа қатлам хроматография ва қоғох хроматографияси, сўнгра 1970 йилларда колонкали хроматографиянинг тараққий этиши юқори самарали суюқлик хроматография усулини ривожланишига амин бўлди. Ривожланиш жараёнида айрим ЮССК усуллардан (насос, инжектор, детектор), хамда ўзига хос талабларга жавоб берадиган юқори тозаликка жавоб берадиган эритувчилар ва кимёвий реактивларни талаби асосида амалга оширилди.
Юқори самарали хроматографик тахлил усулини яратилишига 20 йил ўтди. Лекин бундай хроматографик тахлилини ривожланиши оралиғи жуда каттадир. Унинг теоритик асослари ва экспериментал усуллари ундан аввалроқ ГСК дан кейинроқ яратилган эди.
Юқори самарали хроматографик усулни олиб боришда ананавий колонкали хроматографияга қўйилган талаблар асос бўлиб хисобланади, улар сорбентли дисперслиги, колонкаларни ўлчами ва суюқлик оқимининг тезлигидир. Шуларга қарамай бу хроматографик усулнинг ўзига хос томони, юқори босимда хроматографик жараённи олиб боришга қаратилгандир.
Суюқ қўзғалувчан фаза ёрдамида хроматографик тахлилни олиб бориш М.С. Цвет томонидан кўрсатиб ўтилган усул, янги аралашма таркибидаги моддаларни сифат ва миқдорий тахлилини аниқланишга асосланиб фойдаланилган. Фойдаланилган колонкаларнинг диаметри 1 см дан ошиқ бўлган. Бунда қўхғалувчан фаол колонка орқали ўзининг оғирлик кучи ёрдамида колонкадан ўтиш натижасида хамда гидростатик босими асосида 60 мл/соат 1 см² тезликка эришилган. Лекин дори моддаларини ва аралашмаларини аниқлашда бундай колонкалардан кўп фойдаланиш натижасида ажратиб олишда сифати ўзгарган.
Кейинги йилларда сезиларли даражада колонкали хроматографияни кенг қўлланишга сезгир детекторларни пайдо бўлиши асос бўлди ва унинг ёрдамида элюат таркибидаги моддаларни аниқлашга эришилди. Юқори самарали хроматография усулини такомиллаштиришга газ хроматография усулда қўлланилган ва тажрибадан ўтган усуллардан фойдаланилади.
Юқори самарали хроматография усулида моддаларни ажратиш учун диаметри 2-6 мм бўлган колонкалардан ва уларнинг ичига кўзғалмас сорбентнинг заррачаларини ўртача диаметри 50 мкм дан кичик заррачалардан иборат бўлган, хамда кўзғалувчан фазани 0,1-0,5 см/сек тезликда юқори босим ёрдамида (10-400 атм) фойдаланиш мақсадга мувофиқдир.
Суюқлик хроматография усулида икки моддани бир-биридан ажратишда, улардан бири қўзғалмас фазада ушланиб қолишини хроматографик колонкадан қаршиликларни енгиб чиққан модда аввал, сўнгра аста-секин иккинчи модда чиқа бошлайди. Бунда суюқлик хроматографиясида моддаларни ажратишини қўзғалмас фаза ушланиш вақти (t_R1) қиймат ифодаланади. Умумий ушланиш вақти (t_R), қўзғалмас фазага ушланиш вақти (t_R1) ва қўзғалувчан фазадаги ушланиш вақтининг қийматларини йиғиндисидан ташкил топган.