Ўзбекистон республикаси соғЛИҚни сақлаш вазирлиги тошкент фармацевтика институти

Сифат люминесцент таҳлили
Неорганик ва органик моддаларни аниқлаш учун сифат таҳлилида хусусий люминесценция ишлатилади. Ультрабинафша ёруғликда эриган ҳолатда, неорганик бирикмалардаги Fe, Sn, Sb,Рb, Вi, Zn ва бошқа оғир металлар тузлари люминесценцияланади. Церий гурухига кирувчи лантаноидларнинг 3 разрядли самарийнинг, евронийнинг, гадолинийнинг, тербий ва дипрозийнинг ионлари ёрқин люминесценцияланади.
Органик молекулалар ҳам хусусий люминесценцияга эга.
Масалан: вазелин мойи - оч бинафша ранг, парафин оч мовий, канифол оч кўк, қарағай муми сариқ товланувчи тўқ яшил, минерал мой оч кўк, тозаланган асфальт тўқ яшил ёки жигар ранг нур таратади.
Кўпгина витаминлар, парафинлар, адреналин ва бир қатор канцероген моддалар хусусий люминесценцияланиш хусусиятига эгадир.
Сифат таҳлилида реагентнинг аниқланувчи модда таъсирида люминесценция рангини ўзгартириши ёки люминесценцияни сўндиришда фойдаланиш мумкин. Кўплаб сувли эритмаларда люминесценцияланмайдиган катионлар органик реагент молекуласи билан бирикма ҳосил қилганида люминесценция нурланиши ёки люминесценцияни ранги ўзгариши кузатилади. Натрий иони цинкуранилацетат билан яшил сариқ люминесценция беради. Бериллий Морин билан ёрқин яшил рангли люминесценция ҳосил қилади. Кўп катионлар 8-оксихинолин билан ўзига яраша люминесценцияга эга-бирикма ҳосил қилади.
Кўпгина моддалар кристал холатда люминесценцияланишга эга эмас. Уларга бошқа элемент атомларини (активаторлар) қўшиб киргизилганда ўзига хос люминесценция ҳосил бўлади.
Бундай моддалар кристаллофосфорлар деб аталади.  Кристаллофосфор люминесценцияси интенсивлиги орқали изланувчи катионни топиш усули ишлаб чиўилган. Кўпчилик элементлар кальций оксиди асосидаги характерли люминесценцияга эга бўлган кристаллофосфорлар ҳосил қилади.
Кўпгина холларда, моддаларни аниқлашда люминесценцияни
оддий кузатиш билан чекланиш мумкин. Бир неча люминесценцияловчи моддалар аралашмаси бўлганда сифат таҳлили мураккаблашади. Бу холда светофильтрлар ишлатилади ёки хроматографик ажратилади.