Ўзбекистон республикаси соғЛИҚни сақлаш вазирлиги тиббий таълимни ривожлантириш маркази

4.Тери ва шиллиқ пардаларда жойлашган юқумли касалликлар.
А. Патологик ўзгаришлар юзаки жойлашган (трахома, қўтир, псориаз).
Б. Жароҳатдан кейинги юқумли касалликлар (сарамас, қоқшол, пиодермия, куйдирги).
В. Патологик ўзгариш тўқиманинг чуқур қисмида бўлади (куйдирги, яшур).
Г. Ҳайвон қопгандан сўнг (қутуриш).
5.Турли йўллар билан юқадиган юқумли касалликлар (ОИТС, куйдирги, сил, ўлат, дифтерия, скарлатина).
Юқумли касалликлар манбаига қараб 3 гуруҳга бўлинади:

1. 
   Антропонозлар
   
2. 
   Зоонозлар
   
3. 
   Антропозоонозлар
   

Юқумли касалликлар клиникаси. Кечиши бўйича юқумли касалликлар 4 даврга бўлинади: инкубацион (яширин) инфекция юққанидан касалликнинг биринчи симптомлари пайдо бўлгунча.

• 
  бошланғич (продромал) касалликнинг биринчи симптомлари пайдо бўлгандан касаллик авж олгунча;
  
• 
  авж олган даври касалликнинг асосий клиник симптомлари яққол намоён бўлганда;
  
• 
  сўниш даври (реконвалисценция, тузалиш) касалликнинг клиник симптомлари сўниш даври;
  
• 
  Юқумли касалликлар кечиши бўйича ўткир, чўзилган ва сурункали бўлади:
  
• 
  ўткир кечиш-касаллик бошлангандан 3 ойгача давом этади;
  
• 
  чўзилган-касаллик 3 ойдан-6 ойгача давом этади;
  
• 
  сурункали-6 ойдан ва ундан кўп вақтгача.
  

Кечиш шакли бўйича: атипик ва типик.
Типик шакли асосий клиник симптомлари яққол намоён бўлган ҳолатда.
Атипик шакли асосий клиник симптомларнинг бирортаси бўлмаган ҳолатда.
Эпидемиологик жараён.
Юқумли касалликларнинг муайян жамоада келиб чиқиши, тарқалиш йўллари ва уларнинг олдини олишга асосланган қонуниятларини ўрганадиган таълимот эпидемиология дейилади. Эпидемиология лотин тилидан “эпи”-кўп,“демос”-аҳоли деган маънони англатади. Юқумли касалликка йўлиққан одамларнинг кўп ёки озлигига қараб, эпидемиологик жараённинг турли хиллари ажратилади.