Ўзбекистон Республикаси Соғлиқни сақлаш вазирининг

10.5.3.2. Ҳомиладор аёлларда симптомсиз бактериурияда антибактериал 
даволашнинг давомийлиги қанча бўлиши керак? 
Ўн олтита РКТда симптомсиз бактериурия бўлган ҳомиладор аёлларда турли 
режимдаги антибактериал даволашнинг самарадорлигини таққосланган [47-62]. 
Тадқиқотларнинг моҳияти сезиларли даражада фарқ қилган. Уларда антибактериал 
даволашнинг турли режимдаги схемалари ёки битта препаратни қабул қилишнинг турли 
давомийлиги таққосланган. Давомийлик бир марталик дозадан доимий даволанишгача 
(туғруқгача) фарқ қилади. Амалий нуқтаи назардан, антибактериал даволаш режимлари 
Widmer ва бошқ. томонидан илгари чоп этилган Кохрейн маълумотлар базаси шархига 
кўра баъзи бир модификациялар билан бўлинади [63]. Қуйидаги режимлар таққосланган: 
1)
бир марталик доза (биринчи куни); 
2)
қисқа курс (2-7 кун); 
3)
узоқ муддатли курс (8-14 кун); 
4)
доимий даволаш (туғруқгача). 
Тўққизта тадқиқотда бир марталик дозани қисқа курс билан таққосланган [48, 52, 
53, 57-62], битта тадқиқотда бир марталик доза ва узоқ муддатли курс [56] таққосланган, 
бошқасида эса узоқ муддатли курс ва доимий даволаш таққосланган [49]. Ҳозирги вақтда 
узоқ муддатли ва доимий антибактериал даволаш қўлланилмагани сабабли, фақат бир 
марталик доза ва стандарт қисқа курсни таққосланган текширувлар келтирилган. 
10.5.3.3. Бир марталик дозами ёки қисқа курсми? 
Учта РКТда симптомли СЙИ кўрсаткичлари [52, 61, 62], иккала режим ўртасидаги 
статистик жиҳатдан аҳамиятли фарқларсиз тавсифланган (ўртача ХН 1.07, 95% ИИ 0.47-
2.47; n = 891). Тўққизта РКТда симптомсиз бактериурияни йўқотилиш кўрсаткичлари 
тақдим этилган [48, 52, 57, 58, 60, 61], худди шундай иккита режим ўртасидаги статистик 
жиҳатдан сезиларли фарқларсиз (ўртача ХН 0.97, 95% ИИ 0.89-1.07; 1268 та аёл). Олтита 
нашрда ножўя таъсирларнинг пайдо бўлиш частотаси [48, 52, 57, 58, 60, 61] баҳоланган, у 
антибиотикнинг бир марталик дозасида қисқа курсга нисбатан паст бўлган (ўртача ХН 
0.40, 95% ИИ 0.22-0.72; 458та аёл). Учта тадқиқотда муддатидан эрта туғиш 
кўрсаткичлари [52, 54, 62] икки режим ўртасидаги статистик жиҳатдан сезиларли 
фарқларсиз таққосланган (ўртача ХН 1.16, 95% ИИ 0.75-1.78; 814 та аёл). Битта 
тадқиқотда кичик вазн билан туғилган болалар [62] бўйича маълумотлар келтирилган ва 
антибактериал даволашнинг қисқа курси фойдасига статистик жиҳатдан муҳим устунлик 
топилган (ўртача ХН 1.65, 95% ИИ 1.06-2.57; 714 та аёл).

---

141 
Маълумотлар таҳлилига кўра, бир марталик дозани юбориш ножўя таъсирларнинг 
статистик жиҳатдан сезиларли даражада пастлиги билан боғлиқ, аммо тананинг кичик 
вазни билан чақалоқлар туғилишининг хавфини оширади. Шу сабабли, ҳомиладорлик 
пайтида симптомсиз бактериурияни даволаш учун антибактериал даволашнинг қисқа 
курси тавсия этилади, аммо ушбу тавсияларнинг асосидаги далилларнинг паст сифатига 
эътибор қаратиш лозим.