Ўзбекистон Республикаси Соғлиқни сақлаш вазирининг

10.1. 
Кириш 
Симптомларсиз сийдикдаги бактериялар миқдорининг ошиши ёки симптомсиз 
бактериурия тез-тез учраб туради ва коменсаллар колонизацияси билан боғлиқ [23]. 
Тадқиқотлар шуни кўрсатдики, симптомсиз бактериурия симптомли СЙИ ривожланиши 
билан юзага келувчи суперинфекциядан ҳимоя қилиши мумкин, шунинг учун симптомсиз 
бактериурияни даволаш фақат антибиотикларга резистентлик ўсиши хавфи ва потенциал 
"ҳимоя" штаммларини йўқ қилиш хавфини олдини олишни ҳисобга олган ҳолда бемор 
учун самарадорлиги исботлаган тақдирдагина тавсия этилади [24,25]. Ушбу бўлимдан 
асосий мақсад шифокорларга симптомсиз бактериурияни даволаш керак бўлган 
ҳолатларни аниқлашда ёрдам беришдир. 
10.2. 
Эпидемиология, этиология ва патогенез 
Пременопаузал ёшдаги соғлом аёлларда симптомсиз бактериурия частотаси 1-5% 
ни ташкил этади, амалий соғлом аёллар ва кекса эркакларда ушбу кўрсаткич 19% гача, 
диабет билан оғриган беморларда – 0,7-27%, ҳомиладор аёлларда – 2-10%, қариялар 
уйларида яшовчи кексаларда – 15-50% ва умуртқа поғонаси шикастланган беморларда – 
23-89% гача ошиши мумкин [26]. 
Ёш йигитларда симптомсиз бактериурия кам учрайди, аммо аниқланса сурункали 
бактериал простатитни истисно қилиш керак. Симптомсиз бактериуриядаги бактериялар 
спектри хавф омиллари мавжудлигига қараб асоратланмаган ёки асоратланган СЙИларга 
ўхшайди. 
10.3. 
Ташхислаш 
Клиник белгиларсиз беморларда симптомсиз бактериурия аёлларда кетма-кет 
иккита сийдик ўрта порцияси анализида [26] ва эркакларда битта анализда [28] 
бактериялар концентрацияси > 10
5 
КҲБ/мл деб белгиланади. Катетеризациялаш пайтида 
сийдикдаги ҳақиқий бактериурия эркаклар ва аёлларда >10
2
КҲБ/мл концентрацияда 
ташхисланади [26, 29]. Текширув давомида қолдиқ сийдикнинг ҳажмини аниқлаш керак. 
Бошқа ўзгаришлар кузатилмаса, цистоскопия ва/ёки юқори сийдик йўлларини 
визуализацияловчи текширувларини ўтказиш мажбурий эмас. Уреаза ишлаб чиқарувчи 
бактериялар миқдориниг доимий ошишида, масалан, 
Proteus mirabilis
, юқори сийдик 
йўлларидаги тошларни истисно қилиш керак [30]. Эркакларда простата бези касаллигини 
истисно қилиш учун бармоқли ректал текшируви (БРТ) ўтказилиши керак (11-бўлимга 
қаранг).