Ўзбекистон Республикаси Соғлиқни сақлаш вазирининг

7.2.2. Физикал текширув 
ЎБПда бармоқ билан ректал текширувда шиш ва оғриқли ПБ аниқланиши мумкин. 
ПБни массаж қилиш ман қилинади, чунки у бактеремия ва сепсисга олиб келиши мумкин. 
7.2.3. Лаборатория текширувлари 
Нитрит ва лейкоцитларга тест-қоғозча билан сийдикни таҳлил қилиш 95% ижобий 
прогноз қийматига, 70% манфий прогноз қийматига эга бўлади [233]. Аммо бизнинг 
мамлакатимизда одатдаги амалиётда сийдик таҳлилини тест-қоғозчалар билан ўтказиш 
кенг қўлланилмагани сабабли, 1 мл центрифугаланган сийдик чўкиндисида лейкоцитлар, 
эритроцитларни ҳисоблаш тавсия этилади. ЎБПда экиш учун қон ва умумий қон 
анализини олиш керак. Простата бези абсцессига гумон қилинганда турли хил 
визуаллаштириш усуллари тавсия этилади [219]. 
7.2.4. Сийдик ва простата бези секретининг бактериологик текшируви
ЎБП билан оғриган беморларни баҳолашда энг муҳим текширув пешоб ўрта 
порцияси бактериологик текшируви (экиш) ҳисобланади [226]. Сурункали простатитнинг 
тоифасини аниқлаш учун массаждан кейин олинган турли сийдик порцияларининг ва 
простата бези секрециялари Meares ва Stameyда [243] таърифланган услубга кўра 
миқдорий бактериологик текшируви ва микроскопияси ҳали ҳам муҳим усул бўлиб 
қолмоқда [229, 230]. Stamey–Meares синамаси вақтида олинган материални аниқ 
микробиологик текширишда атипик қўзғатувчилар, жумладан 
C. trachomatis, Trichomonas 
vaginalis
и 
Ureaplasma urealyticum
мавжудлиги тўғрисида муҳим маълумотларни беради 
[231]. Шу билан бирга, икки стаканли синов тўрт стаканли синов билан тенглашадиган 
диагностик қийматга эга [244].
7.2.5. Простата бези биопсияси 
Простата бези биопсияси простатитни мунтазам ташхислаш учун тавсия этилмайди 
ва сепсис хавфи ривожланиши сабабли даволанмаган бактериал простатитда 
ўтказилмаслиги керак. 
7.2.6. Бошқа тестлар 
ПБ трансректал УТТ (ТРУТТ) ПБ абсцесслари, кальцификатлар ва уруғ 
пуфакчаларининг кенгайшини аниқлашга имкон беради, аммо ТРУТТ натижаларининг 
ишончсизлигини ҳисобга олиб, простатит ташхиси учун тавсия этилмайди [245]. 

---

122