Ўзбекистон Республикаси Соғлиқни сақлаш вазирининг

9-жадвал. Простатит ва CТОСнинг NIDDK/NIH бўйича классификацияси 
 
Гуруҳ 
Номи ва тавсифи 
I 
Ўткир бактериал простатит 
II 
Сурункали бактериал простатит 
III 
Сурункали абактериал простатит – сурункали тос оғриғи синдроми 
IIIА 
CТОС (лейкоцитларнинг уруғ суюқлигида / ПБ секретида / сийдикнинг 
учинчи порциясида мавжудлиги) яллиғланиш билан 
IIIБ 
Яллиғланишсиз CТОС (лейкоцитларнинг уруғ суюқлигида / ПБ секретида / 
сийдикнинг учинчи порциясида йўқлиги*)
IV 
Симптомсиз простатит (гистологик простатит) 
* Сийдикнинг учинчи порцияси – ПБ массажидан кейин олинган сийдик.
7.2. 
Касалликни ташхислаш 
7.2.1. Анамнез 
Ўткир бактериал простатит (ЎБП), одатда, сийдик чиқариш функциялари бузилиши 
ва кучли, аммо яхши локаллашмайдиган оғриқ билан бошланади. Бу кўпинча умумий 
ҳолсизлик ва фебрил иситма билан бирга келади. Простата безининг трансректал 
биопсияси етарли антибиотик профилактикаси ва антисептиклардан фойдаланишга 
қарамай, ЎБП хавфини оширади. Сурункали бактериал простатит (СБП) ташхиси 
симптомлар камида уч ой давом этганда қўйилади [228-230]. Асосий симптомларга турли 

---

121 
хил жойларда, масалан, оралиқда, моякда, жинсий олат ва соннинг ички юзасида оғриқ, 
шунингдек, ПСЙС киради [216-218]. 
Симптомларни баҳолаш учун сўровномалар 
Касаллик симптомлари бактериал простатитда таснифлаш параметри сифатида 
фойдаланиш учун барча асосларга эга [231]. Шу муносабат билан простатит 
симптомларини миқдорий баҳолаш учун махсус сўровнома (анкета)лар ишлаб чиқилган 
[231, 232]. Улар қаторига Простатитни ўрганиш бўйича Халқаро Жамият томонидан 
ишлаб чиқилган CП симптомлари индекси (CPSI) киради, аммо унинг клиник амалиёт 
учун фойдалилиги аниқ эмас [219].