Ўзбекистон Республикаси Соғлиқни сақлаш вазирининг

 
Беморлар тоифаси: 
Сийдик-тош касаллиги бўлган беморлар. 
 
Мақсадли гуруҳ: 
Амалиётдаги шифокорлар – урологлар, умумий амалиёт 
шифокорлари (оилавий шифокорлар), урология мутахассислиги бўйича таҳсил олаётган 
магистрантлар, клиник ординаторлар фойдаланиши учун мўлжалланган. 
Сийдик-тош касаллиги (уролитиаз)
– бу турли хил сабабларга кўра келиб 
чиқувчи, кўпинча ирсий характерга эга, сийдик чиқариш тизимида (буйраклар, сийдик 
найлари, қовуқ ёки уретра) тошлар ҳосил бўлиши билан характерланадиган моддалар 
алмашинуви касаллиги. 
Сийдик-тош касаллиги Европа ва Шимолий Америкадаги умумий аҳолининг 5-
9%да, айрим Осиё мамлакатларида эса 20%ча учрайди. Сийдик-тош касаллиги 
стационарларнинг урологик бўлимларига ётқизиш сабабларининг 30-40%ни ташкил 
қилади. Ҳаёт давомида СТК билан касалланиш хавфи 10%ни ташкил қилади [1-2]. 
Сийдик-тош касаллиги – бу Ўзбекистондаги ўлкага оид патологиядир. 
Республикамизнинг айрим ҳудудларида сийдик-тош касаллигининг учраш частотаси 7%га 
етиши мумкин. Бухоро, Хоразм вилоятлари, Қорақалпоғистон Республикаси учун эса 
ушбу кўрсаткич 8-9%ни ташкил қилади [3]. 
 

---

18 
1. ТУШУНЧА ВА КАСАЛЛАНИШ
1.1. 
Эпидемиология 
Сийдик-тош касаллиги (СТК, уролитиаз) 
кенг тарқалган касаллик бўлиб, 
дунёнинг деярли барча мамлакатларида у ёки бу даражада учраб туради ва тарқалиш 
частотаси бўйича буйраклар ва сийдик йўлларининг носпецифик яллиғланиш 
касалликларидан кейин иккинчи ўринда туради. 
СТК тарқалиши географик, иқлим, этник, парҳез ва генетик омилларга боғлиқ. 
Қайталаниш хавфи биринчи навбатда тошнинг ҳосил бўлишига олиб келган касаллик ёки 
бузилишлар билан белгиланади. СТК тарқалиш кўрсаткичлари 1 дан 20% гача фарқ 
қилиши мумкин. Швеция, Канада ёки АҚШ каби ҳаёт даражаси юқори бўлган 
мамлакатларда касалланиш даражаси анча юқори (> 10%). Баъзи соҳаларда сўнгги 20 йил 
ичида касалланиш кўрсаткичи 37%дан ошганлиги кузатилмоқда [4]. СТК ва сурункали 
буйрак касаллиги хавфи ўртасидаги боғлиқлик ҳақида тобора кўпайиб бораётган 
маълумотлар мавжуд. 
10 минг аҳолига йиллик касалланиш даражаси Ўзбекистоннинг Бухоро вилоятида 
3%, Туркманистонда 2,4%, Россиянинг Новосибирск вилоятида 1,3%, Москва вилоятида 
1,7% ва Украинанинг Донецк вилоятида 5,3%, Қирғизистонда 4,8%ни ташкил этади [5]. 
Ўзбекистон Республикаси Хоразм вилояти аҳолиси ўртасида ўтказилган сўровнома 
натижаларига кўра СТК касаллиги билан касалланиш 1000 кишига 16,5 ± 0,2 ҳолатни 
ташкил этади [3]. 
Эркакларда сийдик йўллари тошларининг тарқалиши (1000та эркакка 18,7 ± 0,3 
ҳолат) аёлларга қараганда анча юқори (1000та аёлга 15,1 ± 0,2 ҳолат). Қорақалпоғистон 
Республикаси аҳолиси орасида сийдик йўллари тошларининг тарқалиши 1000та кишига 
11,1 ± 0,2 ҳолатни ташкил этади [3]. 
Эркакларда сийдик йўллари тошлари билан касалланишнинг энг юқори даражаси 
50-59 ёшга, аёлларда - 60-69 ёшга тўғри келади.