Ўзбекистон Республикаси Соғлиқни сақлаш вазирининг

1.2. 
Этиология 
СТК полиэтиологик касаллик ҳисобланади. Буйракларда тош ҳосил бўлишига 
битта, кам ҳолларда бир нечта омиллар сабаб бўлиши мумкин, лекин бунда ушбу 
жараёнга мойиллик туғдирувчи патогенетик шароит бўлиши керак. Каузал генезни 
ўрганишда тош ҳосил бўлиши уни келтириб чиқарган этиологик омилга кўра кўриб 
чиқилади. Шу билан бирга, СТКнинг формал генези ёки патогенези, унга сабаб бўлган 
бир қатор омиллар учун бир хил бўлиши мумкин. Буйракларда тош ҳосил бўлишининг 
патогенези диатез турига, сийдик рН қийматига, у ёки бу турдаги минерал тузлар ёки 
сийдик кислотаси ва унинг тузлари, натрий, аммоний ва бошқа омилларнинг 
экскрециясига қараб фарқланади. Сийдик тошлари доимо турли хил оқсил бирикма-
ларининг субстанциялари бирлашган сийдик тузлари кристалларидан иборат бўлади.
Тош ҳосил бўлиши – бу мураккаб физик-кимёвий жараён бўлиб, унинг асосида 
коллоид мувозанатнинг бузилиши ётади. Сийдик тўйинган эритма бўлишига қарамай, 
нормал шароитда тош ҳосил бўлмайди, чунки ҳимояловчи коллоидлар унинг таркибий 
қисмларини эритиб юборилишига ёки тарқалишига ёрдам беради. 

---

19 
1.2.1. Эндоген этиологик факторлар 
Замонавий маълумотларга кўра, сийдик таркибининг ўзгариши ва нефролитиазнинг 
пайдо бўлишига олиб келувчи буйрак функцияларининг бузилишларини келтириб 
чиқарадиган сабаблар орасида буйраклардаги туғма патологик ўзгаришлар – проксимал ва 
дистал каналчалар шикастланиши юзага келадиган ферментопатиялар (тубулопатиялар), 
ва сийдик йўлларининг анатомик ривожланиш нуқсонлари муҳим роль ўйнайди. 
Оксалурия
– энг кенг тарқалган тубулопатия бўлиб, нефролитиаз билан 
касалланган беморларнинг деярли ярмида учрайди. Унинг ирсий табиати беморларнинг 
қариндошларида бир хил тубулопатия учраши билан тасдиқланади. Оксалат тошлари 
бўлганда сийдик рН қиймати 5,1-5,9 оралиғида ўзгаради. Оксалат тошларининг ҳосил 
бўлиши сув ва озиқ-овқат маҳсулотларида магнийнинг кам миқдорига, шунингдек 
буйраклардаги яллиғланиш жараёнининг фаоллик даражасига боғлиқлиги қайд этилган.