Ўзбекистон Республикаси Соғлиқни сақлаш вазирининг

1.3.1.2. Физикал текширув 
Ҳар қандай бемор физикал текширувдан ўтказилиши лозим, айниқса сийдик-
таносил, эндокрин, юрак-қон томир ва нерв тизими текширилиш керек [92, 93]. Физикал 
текширувда яширин касаллик, масалан Пейрони касаллиги, жинсий аъзолар ўсма олди ёки 
ёмон сифатли хосилалари, простата бези катталашиши ёки гипогонадизмни кўрсатувчи 
ноаниқлик/тугунчалар ёки белгилар ва симптомлар (моякларнинг кичик ўлчами, 
иккиламчи жинсий белгилардаги ўзгаришлар) аниқланиши мумкин.
Агарда оҳирги 3-6 ой ичида артериал қон босим ва юрак қисқаришлари сони 
текширилмаган бўлса, ўлчаш лозим. Ёндош касаллиги бор ҳар бир беморда тана вазни 
индекси ва бел айланасини аниқлаш керак.
1.3.1.3. Лаборатор диагностика 
Лаборатор текширувлар шикоятлар, ҳамда хавф омилларига асосланиб ўтказилиши 
керак. Барча ҳолатларда оч қоринга қонда глюкоза миқдори, гликирланган гемоглобин ва 
қоннинг липид профили текширувлари ўтказилиши керак, агар охирги вақтда 
ўтказилмаган бўлса. Гормонал текширув эрталабки қондаги умумий тестостерон 
миқдорини текширишни ўз ичига олади. Зарур бўлса, биофаол ёки эркин тестостерон 
(формула асосида ҳисобланган) миқдорини аниқлаш керек. Аммо тестостероннинг 
эрекцияни ушлаб туриш миқдорий чегараси паст ва ЭД оғир гипогонадизмда 
ривожланади [39, 94-96]. Тестостероннинг 8 нмол/лдан паст миқдорида қондаги 
тестостерон миқдори ва жинсий функция орасида паст корреляция қайд этилади [39, 94-
96]. 
Қўшимча текширувлар, масалан простатспецифик ангиген (ПСА) [97], 
фолликулостимулловчи гормон (ФСГ) ва лютеинловчи гормон (ЛГ) [98] миқдорини 
аниқлаш кўрсатмаларга қараб амалга оширилиши лозим. Физикал текширув ва лаборатор 
диагностика кўп ҳолатларда ЭДнинг сабабини аниқлашнинг имконини бермасада, муҳим 
ёндош касалликларни аниқлаш имкониятини беради [93]. 
1.3.1.4. Юрак-қон томир тизими ва жинсий фаоллик: хавф гуруҳидаги бемор. 
Жинсий дисфункция билан мурожаат қилаётган беморларда юқори частотада юрак-
қон томир касалликлари кузатилади. Эпидемиологик тадқиқотлар натижалари юрак-қон 
томир ва метаболик хавф омиллари ва жинсий дисфункция орасида ҳам эркакларда [99], 
ҳам аёлларда [100] ўзаро алоқа мавжудлигини кўрсатади. ЭД симптомсиз юрак-қон томир 
касалликлари ва қандли диабетли эркакларда скрининг сезувчанлигини ошириш 

---

221 
имконини беради [101, 102]. ЭД мавжуд бўлса, юрак-қон томир касалликлари, юрак 
ишемик касаллиги, инсульт, умумий ўлим хавфи статистик жихатдан ошади ва бу 
корреляция анъанавий юрак-қон томир асоратлари хавфи мавжудлигига боғлиқ эмас [31, 
32, 103, 104]. Юрак-қон томир касалликларисиз 965 та беморда ўтказилган кўндаланг 
кузатув тадқиқотида ЭД сақланиб келаётган ёш эркакларда (50 ёшдан кичик) анъанавий 
юрак-қон томир касалликлари хавф омилларидан ташқари Фрамингэм хавфи юқори 
эканлиги аниқланган [105].
Ушбу ЭДли беморларни даволаш тавсиялари аввал нашр қилинган ва адаптация 
қилинган жинсий дисфункция ва юрак-қон томир хавфи бўйича Принстон конференцияси 
тавсияларини ўзида акс эттиради [106]. Принстон конференцияси консенсуси (экспертлар 
гуруҳи) жинсий функцияни мақбуллаштириш ва юрак-қон томир тизими ҳолатини сақлаб 
қолишга қаратилган [106-108]. ЭДли беморларни юрак-қон томир хавфи асосида 3 та 
гуруҳга ажратиш мумкин (2-жадвал) ва бу жинсий фаолликни бошлаш ёки янгилаш учун 
даволаш алгоритми асоси бўлиб хизмат қилади (2-расм). Мутахассис анамнез тўплаш 
жараёнида аниқланадиган жисмоний зўриқишга толерантлик даражасига асосланиб 
кўпчилик беморларда жинсий фаоллик хавфини бахолаши мумкин [49].