Ўзбекистон Республикаси Соғлиқни сақлаш вазирининг

1.4.1.3. Эректил дисфункциянинг даволанувчи сабаблари 
Гормонал сабаблар. 
Гормонал бузилишларни даволашда эндокринолог билан 
маслаҳатлашиш муҳимдир [74]. Тестостерон етишмовчилиги бирламчи тестикуляр 
етишмовчилик ёки гипофиз/гипоталамус зарарланиши, жумладан гиперпролактинемия 
келтириб чиқарувчи гормонал фаол гипофиз ўсмалари [74, 119] оқибатида ривожланади. 

---

229 
Кўрсатмалар мавжудлигида [120] тестостерон билан ўрин босувчи терапия (мушак 
орасига, перорал, тери орқали) самарали, лекин уни тестикуляр етишмовчиликнинг бошқа 
эндокринологик сабабларини истисно қилгандан сўнггина ўтказиш керак. Тестостерон 
билан ўрин босувчи терапияни бошлашдан олдин, бармоқ билан ректал текширув (БРТ) 
ўтказиш ва зардобдаги ПСА даражасини, гематокрит, жигарнинг функционал синамалари 
ва липид профилни аниқлаш керак. Андрогенли терапияда клиник жавобни ва жигар ва 
простата безининг мумкин бўлган зарарланишини кузатиб бориш керак [16, 17, 121]. 
Анамнезида простата бези раки мавжуд бўлган эркакларда тестестерон билан ўрин 
босувчи терапияни ўтказиш натижалари бир бирига зид [122]. Ушбу даволаш простата 
бези раки рецидиви ёки ривожланиши хавфини оширмаслиги ҳақида чекланган 
маълумотлар мавжуд. Простата бези ракига даволаш ўтказилмаган беморларда 
тестостерон билан ўрин босувчи терапия ўтказиш мумкин эмас.
Юракнинг ностабил касалликлари мавжуд беморларда тестостерон билан терапия 
ўтказиш тавсия этилмайди [67, 123]. Аксинча тестостероннинг юрак-қон томир системаси 
ҳолатидаги роли қарама-қарши бўлиб қолмоқда. Гормонли ўрин босувчи терапия 
баҳоланган клиник тадқиқотлар юрак-қон томир системасига ножўя таъсирлар ҳақида 
ишончли хулоса қилиш имконини берувчи етарли статистик кучга эга эмас [121-129]. 
Эндокринологлар жамиятининг замонавий қўлланмасида юрак касалликлари мавжуд 
беморларда гипогонадизмга скрининг ўтказиш кераклиги ҳақида тавсиялар мавжуд эмас 
ва муаллифлар тириклик кўрсаткичини яхшилаш учун юрак касалликларида ўрин босувчи 
терапия ўтказишни тавсия қилишмайди [70]. Аммо тестостероннинг юрак-қон томир 
системасига таъсири текширилган барча рандомизацияланган, плацебо-назоратли 
тадқиқотлар билан яқинда ўтказилган тизимли шарҳда ва метаанализда тестостероннинг 
юрак-қон томир системасида ножўя таъсирлар ривожланишидаги роли аниқланмади [123].