Ўзбекистон Республикаси Соғлиқни сақлаш вазирининг

6.2. 
Касалликни ташхислаш 
Уретритнинг симптомлари – бу сийиш пайтида оғриқ ва сийдик йўлидан шиллиқ-
йирингли ёки йирингли ажралма келишидир. Бироқ, кўп ҳолларда уретрит симптомларсиз 
ҳам кечади. 
Грам бўйича бўялган уретра ажралмасида ёки суртмада микроскопда юқори 
катталаштиришда (×1000) кўриш соҳасида > 5 та лейкоцитларнинг аниқланиши, 
шунингдек ҳужайра ичида жойлашган гонококкларни аниқланиши (грам-манфий 
диплококклар шаклида) йирингли уретрит мавжудлигини кўрсатади [203]. Лабораторияда 
биринчи сийдик намунасидаги хламидия ва гонореяни аниқлаш учун нуклеин 
кислоталарини амплификациясига асосланган тестлардан (ПЗР) фойдаланиш керак, чунки 
улар хламидиал ва гонорея инфекцияларини ташхислашнинг бошқа усулларидан устундир 
[204]. Даволашнинг самарасизлигини баҳолаш ва қўлланиладиган дори воситаларига 
резистентликнинг ривожланишини назорат қилиш учун асосан 
N. gonorrhoeae
ва 
хламидия учун экмани амалга ошириш зарур. 
Уретрит билан касалланган ва жинсий йўл билан юқишига гумон қилинган барча 
беморларда текширув ўтқазишдан мақсад қўзғатувчини ажратиш ва аниқлашдир. 
Трихомонадаларни одатда микроскоп ёрдамида аниқлаш мумкин [202]. 
6.2.1. Дифференциал ташхислаш 
Уретритларнинг клиник тасвири, қўзғатувчисидан қатъий назар, ўхшаш 
ифодаланишларга эга. Дифференциал ташхислаш лаборатория текширувлари (уретра 
суртмаси микроскопияси, ПЗР, бактериологик текширув ва бошқалар) асосида амалга 
оширилади. 

---

118 
6.3. 
Даволаш 
ЖЙЮК аниқланса ёки унга гумон қилинган тақдирда, бемор дарҳол 
дерматовенерологга юборилади. 
Ўткир носпецифик уретритни даволаш кенг спектрли эмпирик антибактериал 
терапиядан бошланади, кейинчалик экма натижаларига кўра коррекция қилинади 
[205, 206]. 
Қуйидагиларни буюриш мумкин: доксициклин овқатдан кейин 100 мг 1 
таблеткадан кунига 2 марта, 7-10 кун давомида; азитромицин 1-кун 500 мг, 2-кундан 5-
кунгача 250 мгдан оғиз орқали қабул қилинади (ичилади).