Ўзбекистон Республикаси Соғлиқни сақлаш вазирининг

5
.6. Тиббий ёрдам сифатини баҳолаш мезонлари 
Асоратланган СЙИ га чалинган беморларни даволашда тиббий ёрдам сифатини 
баҳолаш мезонлари қуйидагилардир: 

асоратловчи омилни йўқ қилиш (тошларни олиб ташлаш, обструкцияни йўқотиш, 
дренаж системаларни олиб ташлаш), агар асоратловчи омилдан ҳалос бўлишнинг 
иложи бўлмаса – уни коррекциялаш ва унга мослашиш керак. 

даволаш бошлангунга қадар бўлган клиник белгиларнинг яхшиланиши (юқори 
ҳарорат, совуқ қотиш, холсизлик, бош айланиши, кўнгил айниши ва иштаҳанинг 
бузилиши кўринишидаги интоксикация симптомлари); 

локал симптомларнинг йўқ бўлиб кетиши (ёнбошдаги, қов усти соҳасидаги оғриқ, 
дизурия, сийдик рангининг ўзгариши); 

лаборатор кўрсаткичларнинг яхшиланиши ва нормаллашуви (қоннинг клиник 
анализида лейкоцитознинг камайиши, лейкоцитар формуланинг нормаллашиши, 
ЭЧТ нинг пасайиши, сийдик экмасида бактерияларнинг ўсиши йўқлиги). 

---

117 
6
. ЎТКИР НОСПЕЦИФИК УРЕТРИТ 
6.1. 
Тушунчалар ва кассаланиш 
Уретранинг яллиғланиши, одатда, СЙИ билан бошланади ва уни бошқа пастки 
сийдик йўллари инфекцияларидан фарқлаш керак. Ушбу тавсиялар бир қатор Миллий 
Европа тавсияларини шархлашга асосланган ва жинсий йўл билан юқадиган инфекциялар 
бўйича CDC тавсияларига мос келади [187-191]. 
Терапевтик ва клиник нуқтаи назардан гонококкли уретритни носпецифик 
уретритдан фарқлаш керак. Уретритнинг қўзғатувчилари 
N. gonorrhoeae
, 
C. trachomatis
, 
Mycoplasma genitalium
, 
T. vaginalis
ва 
Ureaplasma urealyticum
[192-197]. Гонококкли 
уретрит бўлмаган 367 та бемор билан ўтказилган тадқиқотда қуйидаги микроорганизмлар 
ажратилган: 
C. trachomatis
(22,3%), 
Mycoplasma genitalium
(12,5%), 
T. vaginalis
(2,5%) ва 
Ureaplasma urealyticum
(24,0%); 9,5% да бир нечта қўзғатувчилар аниқланган ва 29,2% да 
қўзғатувчилар аниқланмаган [193]. Фақатгина бир нечта мақолаларда 
Mycoplasma hominis
нинг уретрит ривожланишидаги роли кўрсатилган [198, 199]. 
Инфекциянинг қўзғатувчилари эпителий юзасида ҳужайрадан ташқарида бўлиши 
ёки эпителий ҳужайраларига кириб бориши (
N. gonorrhoeae, C. trachomatis
) ва пиоген 
инфекцияни ривожланишига сабаб бўлиши мумкин. Хламидия ва гонококклар 
кейинчалик юқори жойлашган сийдик-таносил йўлларига кириб бориб, эркакларда 
эпидидимит ва аёлларда цервицит, эндометрит ёки сальпингитни келтириб чиқариши 
мумкин [200-202].