Ўзбекистон Республикаси Соғлиқни сақлаш вазирининг

назоратсиз тадқиқотларга асосланган. 
Тизимли симптомлари бўлган беморлар учун парентерал антибактериал даволаш 
афзалдир. Клиник таҳлилларни нормаллаштиргандан сўнг, даволашнинг умумий 
давомийлиги 2-4 хафтани ташкил қилганда перорал дори воситаларига ўтиш мумкин. 
Тизимли шархлашда фторхинолонларнинг СБП да биринчи линиядаги дорилар сифатида 
самарадорлиги тасдиқланган. Аммо левофлоксацин, ципрофлоксацин ва прулифлоксацин 
ўртасида қўзғатувчиларни йўқ қилиш, клиник самараси ва ножўя таъсирлари бўйича 
статистик жиҳатдан аҳамиятли фарқ йўқ.
14 кун давомида кунига 3 марта 500 мгдан метронидазолни тайинлаш 93,3% 
ҳолларда СБПда 
T. vaginalis
ни йўқ қилишни таъминлайди. 

---

125 
Облигат ҳужайра ичидаги қўзғатувчилар томонидан келиб чиққан СБП билан 
оғриган беморларда макролидлар микробиологик ва клиник самараси жиҳатидан 
фторхинолонлардан устундир. Антибиотикларни танлашда резистентлик бўйича локал 
маълумотларни ҳисобга олиш керак [226]. Агар ҳужайра ичидаги микроорганизмлар 
ажралиб чиқса ёки аниқланса, макролидлар гуруҳи ёки тетрациклинларни буюриш керак 
[219, 253, 256]. 
7.4.3. Простата безига антибиотикларни юбориш 
Ушбу даволаш назорат остида ўтказилган тадқиқотларда баҳоланмаган ва уни 
қўллаш тавсия этилмайди [257, 258]. 
7.4.4. Комбинацияланган даволаш 
Фторхинолонларнинг турли хил ўсимлик экстрактлари билан комбинацияси 
клиник симптомларга ижобий таъсир кўрсатади ва нохуш ҳолатларнинг қайталаниш 
сонини кўпайтирмайди [224]. Фторхинолонлар ва варденафил комбинацияси 
микробиологик самарани оширмайди, фторхинолонларнинг монотерапияси билан 
солиштирганда оғриқ ёки ПСЙС га таъсир қилмайди [225]. 
7.4.5. Дренажлаш ва жарроҳлик йўли билан даволаш 
ЎБП билан касалланган беморларнинг тахминан 10%да ўткир сийдик тутилиши 
ривожланади [259], бу цистостомия, даврий катетеризациялаш ёки доимий катетерни 
ўрнатиш билан ҳал қилиниши мумкин. Одатда, цистостомияни ўрнатиш тавсия этилади. 
Ўткир сийдик тутилиши ҳолати бўлмаган беморларда қовуқни катетеризациялаш СБПга 
ўтиш хавфини оширади [260]. 
Простата абсцесси мавжуд бўлганда – дренажлаш ва консерватив даволаш 
самарали [261]. Абсцесснинг ўлчами тактикага таъсир қилиши мумкин. Бир тадқиқотда 
консерватив даволаш 1 смдан катта бўлмаган абсцесслар учун самарали бўлган, катта 
ўлчамдаги абсцесси бўлган беморларда бир марталик аспирация ёки доимий дренажлаш 
ўтказилган [262].