Zbekiston respublikasi qurilish vazirligi toshkent arxitektura -qurilish instituti

Turmush va madaniyat. ―Aholiga maishiy xizmat ko’rsatish madaniyati‖ termini deganda, aholiga maishiy xizmat ko’rsatish korxonalari tomonidan ko’rsatiladigan xizmatlarni eng sarasi va eng yaxshi, qulay usullar (insoflilik, xizmat ko’rsatish sifati), ya’ni sohani rivojlanish darajasi, ijobiy tomonlari tushuniladi. Bundan maishiy xizmat va aholiga xizmat ko’rsatish jarayonlari qanchalik to’g’ri boshqarilsa, servisning madaniyati ham shunchalik yuqori bo’lishi kelib chiqadi.

Maishiy xizmat madaniyati strukturasi ishlab chiqarish, tashkiliy, psixologik, etnik, huquqiy va estetik shakllardan iborat.

1. 
   Ishlab chiqarish madaniyati – ishlab chiqarishni kompleks mexanizatsiyalashtirish va avtomatlashtirish, progressiv texnologiya, mehnat sifati va xizmat sifatining o’zaro bog’liqligi, kadrlarni tayyorlash va malakasini oshirish;
   
2. 
   Tashkiliy madaniyat – tarmoqni boshqarishni takomillashtirish, korxonalarni oqilona joylashtirish va ish tartibini qulayligini ta’minlash, xizmatlarni yangi turlari va ilg’or shakllari, buyurtmalarni qabul qilish va berish jarayonlarini takomillashtirish;
   
3. 
   Psixologik madaniyat – ishchi va buyurtmachini psixologiyasi, ishchi ish faoliyatining psixologik xususiyatlari, buyurtmachiga xizmat ko’rsatish psixologiyasi;
   
4. 
   Etnik madaniyat - professional etika, aholiga maishiy xizmat ko’rsatuvchi xodimning professional hulqi, buyurtmachi bilan muomala qilish etikasi, mehnat jamoasida o’zaro munosabat etikasi, janjalli vaziyatlarni hal etish yo’llari, rahbar etikasi;
   
5. 
   Huquqiy madaniyat – aholiga maishiy xizmat ko’rsatish qoidalariga va mehnat qonunchiligiga rioya etish;
   
6. 
   Estetik madaniyat – binoni, ish o’rnini bezash estetikasi, maishiy xizmat estetikasi, maishiy xizmat ko’rsatish xodimini tashqi ko’rinishi, reklama estetikasi.
   

―Estetika‖ so’zi his etish, qabul qilish qobiliyati bo’lib, madaniyat so’zi nima ekanligini bildiradi.

Madaniyat deganda, inson tomonidan yaratilgan va u tomonidan foydalaniladigan, ishlatiladigan moddiy va ma’naviy qimmatliklar tushuniladi.

Madaniyat deganda, tabiat yaratgan boyliklardan farqli tarzda inson tarafidan moddiy va ma’naviy jarayonlarda yaratilgan qimmatliklar tushuniladi. ―Madaniyat‖ tushunchasi lotincha ―ishlash‖, ―ishlov berish‖ degan ma’nolarni anglatadi.

Maishiy xizmat madaniyati – bu umumiy madaniyatning bir qismi. Hayot madaniyati va maishiy xizmat madaniyati bir-biri bilan uzviy bog’liq.